Čačepangre 5:5 - O Debleskro Drom 2021 (Sinte)

⁵ I berge trissan glan o baro Debleste, kai sikras pes ap i berga Sinai glan peskre menshende Israel. Lengro Dewel hi lo, – job, o baro Dewel.

O Debleskro Lab 2024 (Sinte-Manouche)

⁵ I berge trissan glan o baro Debleste, kay sikras pes ap i berga Sinay glan peskre menshende Israel. Lengro Devel hi lo, – yob, o baro Devel.

Čačepangre 5:5 ပူးပေါင်းရင်းမြစ်များ

Debleskri gili 104:32

Job dikell i phub an, un joi trissella. Job taprell i berge an, un i jagakri tampa djal pre dran lende.

Debleskri gili 114:4

I berge stan har bakre, un i tikne berge har terne bakre.

Debleskri gili 68:8

Maro Dewel, har djal tu glan tire menshende, un anal len ap o drom mashkral o mulo tato them,

Debleskri gili 68:9

kote trissas i phub, un o bolepen das baro brishin glan tute, o Debleste ap i berga Sinai, awa, glan o Debleste pral o Israel.

Debleskri gili 97:5

Jaake har i momeli tele chatchrell, wenna bare berge tikno glan o baro Debleste. Job hi o baro rai pral i tseli phub.

2. Mose 19:18

Un trul koi tseli berga Sinai his jagakro ducho, har was o baro Dewel an i jag tele ap i berga. Un i jagakro ducho djas pre dran i berga jaake har dran i baro bob. Un koi tseli berga trissas soreles.

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

Jesaja 63:19

Un mer wam har sawe, pral kolende tu an kek tsiro o rai hals, un pral kolende tiro lab gar win gole dino was.

Nahum 1:5

I bare berge trissenn glan leste, un kol tikne berge perenn khetne. Job te well, palle hadell pes i phub glan leste, un kolla, kai ap late djiwenna, trissenna.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

Hebrearja 12:18

Shunenn, mire phrala! Tumaro tsillo, kai wenn khetne o Debleha, hi gar ko emligo har pash i Israelitarja. Jon djan pash i berga Sinai, un pash i jag, hoi dikan le nai. Trul lende his kali rat un i sorelo ducho phurdas.