Čačepangre 5:23 - O Debleskro Drom 2021 (Sinte)23 Praassenn o foro Meros, penas o baro Debleskro bolepaskro. Praassenn kolen, hoi an ko foro djiwenn! Awa, praassenn len! Jon wan gar ap o baro Debleskri rig, un djan gar an o kurepen khetne kol tchatche murshentsa. အခန်းကိုကြည့်ပါ။O Debleskro Lab 2024 (Sinte-Manouche)23 Praasenn o foro Meros, penas o baro Debleskro bolepaskro. Praasenn kolen, hoy an ko foro djivenn! Ava, praasenn len! Yon van gar ap o baro Debleskri rig, oun djan gar an o kourepen khetne kol čače morshentsa. အခန်းကိုကြည့်ပါ။ |
Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.
Un i Israelitarja putchan mank pende: “Dell kol 12 (deesh-te-dui) bare familjendar, kai wenn o Jakobeskre tchawendar, jek, kai was gar pash o tsillo glan o baro Debleste?” Kowa his jaake, har i menshe khetne gole dino wan, te wenn le an Mizpa, dan le pen i bari sowel un penan: “Koon well gar an Mizpa glan o baro Debleste, kowa hunte merell.”
Was i diwes, kai mukas li i murshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Un joi penas ap leste: “O baro Dewel, kai o Dewel pral o Israel hi, job penell tuke: ‘Le tuke deesh-serja mursha dran i khera Naftali un Sebulon un dja lentsa ap i berga Tabor!
Un ko baro Debleskro bolepaskro was, un beshas pes tel ko baro ruk, hoi pash i platsa his, hoi kharella Ofra. Koi platsa his o Joashes dran i familja Abijeser. Un leskro tchawo Gideon his an ko kashteskro, hoi kerdo his, te krenn le mool dran i drake. Un kote das lo khatemen o djob win, te nai taprenn i Midianarja gar ko djob ninna.
Un kanna, miro rai un pralstuno, shun ap i laba, hoi me, tiro budepaskro, rakrau. Te anas o baro Dewel tut ap mande pre, palle well leske i chapen chatchedo, te djal leskri choli krik. Te anan tut menshe ap mande pre, mu well o Debleskri bibacht ap lende! Jon tradenn man win dran o baro Debleskro them. Kowa hi jaake har te penans le: ‘Dja an i wawar them, un mange wawar deblen an!’