Čačepangre 5:17 - O Debleskro Drom 2021 (Sinte)

¹⁷ Un i mursha dran o Gilead atchan ap i wawar rig o panjestar Jordan. Un o Dan? Hoi krell job? Pash peskre shiffe atchell job. Pash o baro pani djiwell o Asser. Un kote atchas lo ninna beshdo.

O Debleskro Lab 2024 (Sinte-Manouche)

¹⁷ Oun i morsha dran o Gilead ačan ap i vavar rig o panyestar Yordan. Oun o Dan? Hoy krell yob? Pash peskre shiffe ačell yob. Pash o baro pani djivell o Asser. Oun kote ačas lo ninna beshdo.

Čačepangre 5:17 ပူးပေါင်းရင်းမြစ်များ

1. Mose 35:25

I tchawe, kolen i Bilha ap i phub anas, his o Dan un o Naftali. I Bilha his koi budepaskretsa, kai his i Rachelake koi.

Amos 4:3

Jek pal i wawar hunte djan tumer mank i massuri win – kote kai li paash hi. Un jon tradenn tumen kote, kai i berga Hermon hi. Kowa penau me, o baro Dewel.

Josua 13:25

Ko foro Jaser un i tsele forja an o them Gilead un o paash them Ammon bis pash o foro Aroer, hoi ap koi rig o forestar Rabba tchiddo hi, kai o kham pre djal.

Josua 13:31

Un o paash kol familjendar dran o kheer Machir – koleskro dad o Manasse his – kolen das o Mose o paash them Gilead. Kote hi kol forja Astarot un Edrei tchiddo, kai o rai pral Bashan, o Og, djiwas.

Josua 22:9

Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.