Čačepangre 4:4 - O Debleskro Drom 2021 (Sinte)

⁴ An ko tsiro his i tchatchepaskri djuwel an o them Israel. Koja his i Debleskri rakepaskretsa. Lakro lab his Debora. Lakro rom his o Lappidot.

O Debleskro Lab 2024 (Sinte-Manouche)

⁴ An ko tsiro his i čačepaskri djouvel an o them Israel. Koya his i Debleskri rakepaskretsa. Lakro lab his Debora. Lakro rom his o Lappidot.

Čačepangre 4:4 ပူးပေါင်းရင်းမြစ်များ

2. Rajengro liil 22:14

Kote djan o rashai Hilkija, o Ahikam, o Achbor, o Shafan un o Asaja pash i Debleskri rakepaskretsa Hulda. Koja djiwas an o newo kotar o forestar Jerusalem. Lakro rom his o Shallum. Leskro dad his o Tikwa. Koleskro dad his o Harha. O Shallum das garda ap o ripjengro kheer. Un kol mursha rakran lah.

Nehemia 6:14

Miro Dewel, biste kowa lenge gar, hoi o Tobija un o Sanballat kran, un ninna hoi i Noadja an o Debleskro lab pral mande win rakras, un kol tsele wawar, kai kran, har te rakrans le Debleskre laba win, un kaman mange daar te krell.

2. Mose 15:20

Un i Mirjam, o Aroneskri pheen, his i Debleskri rakepaskretsa. Un joi las peskri bashepaskri, hoi kharella pauka, an o wast, un i tsele djuwja lan ninna pengre bashepangre, un djan lake palla, un bashran un khelan.

Ezekiel 13:17

Tu mensho, pen ap i djuwjende tire menshendar, kai denn glan, te hi le Debleskre rakepangre! De len trad,

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

Louka 2:36

An o foro Jerusalem djiwas i phuri Debleskri rakepaskretsa. Joi kharas Hanna. Lakro dad his o Penuel. Job hi kol menshendar, kai wenna pal o Asser. Efta bersha his i Hanna romedino.

Bičepangre 21:9

Koles his star tcha, kai gar romedino his. Kolla tcha his pherdo Debleskro Ducho, un jon penan i patslenge, hoi o Dewel lende sikras.

1. Korintarja 11:5

Haki romni, kai mangell o Debles an, un haki romni, kai penella, hoi o Dewel late sikras, un kowa krell li, te hi lat tchi ap o shero, koja anella ladj ap peste. Kowa hi jaake, har te wans lake i balla tele tchinlo.

Galatarja 3:28

Jaake djiwah lauter o Jesuseha khetne. Kanna hi jek, koon tumer han: bibolde un kolla, kai kek bibolde hi, budepangre un raja, mursha un djuwja. An o Jesus Kristeste hi jek har o wawar.

Čačepangre 4:3

O baro rajes Jabin his 900 (enja-sheel) sasterne wurdja o kurepaske. Un job kras i Israelenge i pharo djipen biish bersha. Doleske dan le bari gole ap o baro Debleste.

Čačepangre 4:5

Un joi his beshdo tel ko palmtikro ruk, hoi kharella ‘palma i Deboratar’. Un koi palma his ap o drom mashkral o foro Rama un o foro Betel an o pralstuno them Efrajim. Un i Israelitarja wan pash late, te krell li o tchatchepen pral lende win.

Čačepangre 5:1

Ap ko tsiro giwas i Debora kai gili khetne o Barakeha, koleskro dad o Abinoam his.