Čačepangre 3:9 - O Debleskro Drom 2021 (Sinte)

⁹ Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Kowa his o Otnijel, koleskro dad o Kenas his. Koleskro phureder phraal his o Kaleb.

O Debleskro Lab 2024 (Sinte-Manouche)

⁹ Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Kova his o Otniel, koleskro dad o Kenas his. Koleskro phoureder phraal his o Kaleb.

Čačepangre 3:9 ပူးပေါင်းရင်းမြစ်များ

Nehemia 9:27

Doleske dal tu len an o wast kolendar, kai lenge i pharo djipen kran. Un har len bari daar his, dan le gole ap tute. Un tu shunal len dran o bolepen, un kral tiro dji lenge pre, un bitchral lenge murshen, kai len win lan dran i tchilatche wasta.

Debleskri gili 22:5

Ap tute dikan mare phure, un tu wal ap lengri rig.

Debleskri gili 78:34

Te anas lo o merepen pral lende, rodan le o Debles, un putchan pale pal leste.

Josua 15:17

Kote las o Otnijel o foro dren. Koleskro dad his o Kenas, koleskro phraal his o Kaleb. Un o Kaleb das les peskri tchat Achsa, te well li leskri romni.

Čačepangre 1:13

Kote las o Otnijel o foro dren. Koleskro dad his o Kenas, koleskro phureder phraal his o Kaleb. Un o Kaleb das les peskri tchat Achsa, te well li leskri romni.

Čačepangre 10:10

Un kote dan i Israelitarja ap o baro Debleste gole un penan: “Mer kram tchilatchepen ap tute, te mukam tut, maro Debles, un mangam o debles Baal an.”

Čačepangre 2:16

Un pale te pale mukas o baro Dewel tchatchepangre murshen pre te stell. Kolla lan len win dran o wast kolendar, hoi lendar tchoran.

Čačepangre 2:18

Un te mukas o baro Dewel lenge tchatchepangre murshen pre te stell, palle his job ko tchatchepaskro mursheha, un las len win dran i tchilatche wasta. Les khaitas lengro ropen pral kolende, kai lenge o djipen phares kran. Jaake rah har ko tchatchepaskro rai djiwas, shunan le ap o baro Debleste.

Čačepangre 3:15

Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Un kowa his o Ehud, leskro dad his o Gera, i Benjaminari. O Ehud his i mursh, kai i serwo wasteskro hi. Un i Israelitarja bitchran les, te anell job lengre lowe o baro rajeske pral o them Moab, kol lowe, hoi jon hunte leske dan.

Čačepangre 3:8

Kote chatchras i choli o baro Deblestar pral o Israel pre. Un job das len an o wast o baro rajestar Kushan-Rishatajim. Kowa his baro rai pral o them Mesopotamia. Un i Israelitarja hunte budran leske ochta bersha.

Čačepangre 4:3

O baro rajes Jabin his 900 (enja-sheel) sasterne wurdja o kurepaske. Un job kras i Israelenge i pharo djipen biish bersha. Doleske dan le bari gole ap o baro Debleste.

Čačepangre 6:7

Un har i Israelitarja lestar mangan, te lell lo len win dran o Midianeskro wast,

1. Samuel 12:10

Koi dan le gole ap o baro Debleste, te well lo ap lengri rig, un penan: “Mer lam doosh ap mende, te djam krik tutar, baro Deblestar, un mangam kol deblen an, kai kharenna Baal un Astarte. Kanna le men win dran i wasta kolendar, kai men tele rikrenn. Palle wess tu kokres maro Dewel.”