Čačepangre 3:7 - O Debleskro Drom 2021 (Sinte)

⁷ Un i Israelitarja kran, hoi tchilatches his glan i jaka o baro Deblestar, un bistran, kai o baro Dewel pengro Dewel hi. Un jon mangan o debles Baal un i debletsa Ashera an.

O Debleskro Lab 2024 (Sinte-Manouche)

⁷ Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.

Čačepangre 3:7 ပူးပေါင်းရင်းမြစ်များ

1. Rajengro liil 16:33

Ninna kras lo i figura, hoi i debletsa Ashera sikras. Jaake kras lo budeder koowa, hoi choiras o baro Debles, ko Debles pral Israel, har kran kol tsele Israeleskre bare raja, kai glan leste djiwan.

1. Rajengro liil 18:19

Kanna muk i tsele Israelitarjen te penell, te wenn le khetne pash mande ap i berga Karmel, ninna kol 450 (star-sheel-te-paash-sheel) rashaja o deblestar Baal un kol star-sheel rashaja, kai i debletsa Ashera sharenn, kolen i Isebel chapen un pipen dell.”

2. Rajengro liil 23:14

Job phagas kol bare barra paash, hoi le pengre deblenge pre-tchiwan, un das kol figure tele, hoi sikran i Ashera. Un kote, kai le tardo his, witsras lo menshengre kokale pre.

2. Rajengro liil 23:6

Un o Josia mukas koi kashteni debletsa Ashera dran o baro Debleskro kheer te anell glan o foro Jerusalem pash ko tikno pani, kai kharell Kidron. Un kote mukas lo lat te chatchrell. Un hoi latar pral atchas, mukas lo tiknes te krell har phubjakri tchik, un tchiwas kowa khetne koi jagakri tchik ap o handako, kai i tchorwele paskedo wan.

2. Familjakro liil 15:16

Un ninna kras o baro rai Asa, te his leskri dai, i Maacha, buder gar i rani. Kowa kras lo doleske, kai mukas li i djungeli figura te krell, hoi i debletsa Ashera sikras. Un o Asa das lakri djungeli figura an kotja un chatchras lat pash o pani Kidron.

2. Familjakro liil 24:18

Jaake was, te djan i menshe an leskro them buder gar an o kheer o baro Deblestar, kai o Dewel lengre phurendar his. Jon mangan i figuren an, hoi i debletsa Ashera sikrenn un wawar mule deblen. Jaake anan le doosh ap pende glan o baro Debleste. Un leskri choli was pral o them Juda un pral o foro Jerusalem.

2. Familjakro liil 33:19

An o liil, hoi i dikepangre tchinan, hi tchinlo, har o Manasse o baro Debles mangas, un har kowa les shunas, ninna leskri tseli doosh, un har lo o baro Debles mukas, un kai lo mulne platse kras, un chochene deblen pre tchiwas, ninna koi figura, hoi i Ashera sikras, – kowa lauter, hoi lo kras, glan te dikas lo peskri doosh dren glan o baro Debleste.

2. Familjakro liil 33:3

Job tchiwas kol mulne platse pale pre, kai i mule deblenge vieche chatchedo wan. Kol platse das leskro dad, o Hiskija, khetne. Un o Manasse mukas chatchepangre te krell, kai vieche chatchedo wenn o debleske Baal, kai i chocheno dewel hi. Un job kras figure, hoi sikran i debletsa Ashera. Un job mangas i bolepangre momlia an un witsras pes glan lende tele.

2. Familjakro liil 34:3

Har lo an o ochtato bersh baro rai his, un gomme i terno mursh his, rodas lo ko Debles, koles leskro phuro dad, o David, an-mangas. Un an o 12. (deesh-te-duito) bersh kras lo pes ap i budi, te witsrell lo dran o them Juda un dran o foro Jerusalem kol chochene deblen un figuren krik. Koi pashel his ninna i figure, hoi i debletsa Ashera sikrenn.

2. Familjakro liil 34:7

Un an o tselo them Israel phagas lo kol chatchepangre tele, ninna i figure, hoi i Ashera sikran. Un i tsele wawar figure das lo an kotja un kras len jaake tiknes, te his le har tchik. Un i boba, kai sungepaskro koowa chatchedo was, das lo trujel. Pal kowa djas lo pale an o foro Jerusalem.

Debleskri gili 106:35

Na-a, jon romedineran pen kolentsa, kai o Debles gar prindjrenn, un kran sau koowa har jon kran,

Debleskri gili 106:36

un mangan lengre deblen an. Jaake peran le o baro Debleskro dromestar tele.

Debleskri gili 106:7

Mare phure haiwan gar ko baro sorelo koowa, hoi tu an o them Egiptia kral, un bistran har bud lenge latches hals, un hadan pen pral tute pash o Baro Lolo Pani.

2. Mose 34:13

Witsrenn kol pre-tchidde barra trujel, kai marenn un chatchrenn le viechen lengro debleske. Phagenn kol bare barra paash, hoi le leske pre-tchiwan! Un denn kol figuren tele, hoi sikrenn i debletsa Ashera.

Jeremia 23:27

Jek penell o wawareske peskri suni. Un koleha krenn le, te bistrenn man mire menshe jaake, har bistran man lengre phure, har mangan le o debles Baal an.

5. Mose 16:21

Tumer hunte tchiwenn kek kasht pre, hoi sikrell i debletsa Ashera, un tchiwenn les pre pash koi chatchepaskri, hoi krenn tumer tumaro baro Debleste.

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

5. Mose 8:11

Denn tumen jak, te bistrenn gar tumaro baro Debles, jaake te denn gar buder jak ap leskre laba, un ap leskro tchatchepen, un ap halauter, hoi job tumendar kamella, kowa hoi me tumenge kau diwes penau, te hunte krenn.

5. Mose 8:14

palle denn jak, te wenn gar pre-phurdo, un bistrenn tumaro baro Debles, koles, kai anas tumen win dran o them Egiptia, kai tumer pandle budepangre hans.

5. Mose 8:18

Doleske ma bistrenn tumaro baro Debles! Job hi kowa, kai tut i soor das, te nai lenn tumenge brawlepen khetne. Un jaake rikrell job kowa, hoi lo tumare phurentsa win kras. Ninna kau diwes rikrell lo pes ap kowa.

Čačepangre 3:12

Un i Israelitarja kran pale kowa, hoi tchilatches his an i jaka o baro Deblestar. Doleske kras o baro Dewel o baro rajes pral o them Moab sorelo, te djal job ap o Israel. Ko baro rai kharas Eglon.

Čačepangre 3:8

Kote chatchras i choli o baro Deblestar pral o Israel pre. Un job das len an o wast o baro rajestar Kushan-Rishatajim. Kowa his baro rai pral o them Mesopotamia. Un i Israelitarja hunte budran leske ochta bersha.

Čačepangre 6:25

Un an koi rat rakras o baro Dewel ap o Gideon: “Le i terno gurum tiro dadeskre viechendar, un le ninna i gurum, hoi efta bersha phuro hi! Un de koi chatchepaskri tele, hoi ap tiro dadeskro them tardo hi, kai chatchrenn le viechen lengro debleske Baal. Un de koi kashteni debletsa Ashera tele, hoi koi pashel tardo hi!

Čačepangre 8:33

Un har o Gideon meras, djan i Israelitarja o Debleskro dromestar tele un nashan pale kol deblenge palla, kai kharenn Baal. Un jon kran o debles Baal-Berit pengro dewel,

Čačepangre 8:34

un bistran pengro baro Debles, koles, kai len dran o wast kolendar sorjah win las, hoi trul lende djiwan un pen lentsa kuran.

1. Samuel 12:10

Koi dan le gole ap o baro Debleste, te well lo ap lengri rig, un penan: “Mer lam doosh ap mende, te djam krik tutar, baro Deblestar, un mangam kol deblen an, kai kharenna Baal un Astarte. Kanna le men win dran i wasta kolendar, kai men tele rikrenn. Palle wess tu kokres maro Dewel.”

1. Samuel 12:9

Jon bistran pengro baro Debles. Un job das len an i wasta kolendar, kai kuran pen lentsa: o Sisera, ko pralstuno lurdo o forestar Hazor, i Filistarja, un o rai pral o them Moab.