Čačepangre 3:31 - O Debleskro Drom 2021 (Sinte)

³¹ Un pal leste was o Shamgar o tchatchepaskro mursh. Koleskro dad his o Anat. Un o Shamgar das 600 (shob-sheel) Filistarjen mulo sawo kashteha, koleha jek i grumjen tradell. Un ninna job las i Israelitarjen win dran o wast kolendar, kai lenge o djipen phares kran.

O Debleskro Lab 2024 (Sinte-Manouche)

³¹ Oun pal leste vas o Shamgar o čačepaskro morsh. Koleskro dad his o Anat. Oun o Shamgar das 600 (shob-sheel) Filistaryen moulo savo kashteha, koleha yek i groumyen tradell. Oun ninna yob las i Israelitaryen vin dran o vast kolendar, kay lenge o djipen phares kran.

Čačepangre 3:31 ပူးပေါင်းရင်းမြစ်များ

1. Korintarja 1:17

O Jesus Kristo bitchras man gar, te taufrap i menshen. Job kamell te penap o latcho lab lestar i menshenge. Me penau kowa gar gosewe labentsa. Te rakroms me gosewe labentsa, merals o Jesus Kristo tchitcheske ap o trushel.

Čačepangre 10:11

Un o baro Dewel penas ap lende: “Hi gar jaake, te rikran tumen i Egiptarja tele un i Amorarja, i Ammonarja, i Filistarja,

Čačepangre 10:17

Un i Ammonarja wan khetne gole dino, un tchiwan pengre plachtene khera pre pash o foro Gilead. Un i Israelitarja wan khetne pash Mizpa.

Čačepangre 10:7

Kote chatchas i bari choli pre an o baro Debleste ap i Israelitarja. Un job das len an i wasta i menshendar dran i themma Filistia un Ammon.

Čačepangre 15:15

Un job hatsas i mujeskro kokalo i muli eslatar, las les an o wast un das leha 1.000 (jek sero) murshen mulo.

Čačepangre 2:16

Un pale te pale mukas o baro Dewel tchatchepangre murshen pre te stell. Kolla lan len win dran o wast kolendar, hoi lendar tchoran.

Čačepangre 3:30

Un jaake his i Israelitarja ap kau diwes sorleder har i Moabarja. Un 80 (ochta-deesh) bersha his kek kurepen an o them.

Čačepangre 4:1

Un har o Ehud mulo his, kran i Israelitarja pale, hoi tchilatcho his glan i jaka o baro Deblestar.

Čačepangre 5:6

An ko tsiro, har o Shamgar djiwas, koleskro dad o Anat hi, ninna an ko tsiro, har i Jael djiwas, his kek mensho ap i dromma, un kolla, kai ap kol bare dromma win djans, hunte djans tchorchanes, ap tikne khatemen dromma.

Čačepangre 5:8

Mire menshe rodan penge wawar debla! Kote was o kurepen glan lengre wudja. Un pash 40.000 (star-deesh-serja) mursha an Israel was kek charo hatslo, witar kek shilto.

1. Samuel 12:9

Jon bistran pengro baro Debles. Un job das len an i wasta kolendar, kai kuran pen lentsa: o Sisera, ko pralstuno lurdo o forestar Hazor, i Filistarja, un o rai pral o them Moab.

1. Samuel 17:47

Un ninna hakeno, kai kate hi, kowa dikell un haiwell, te hunte well o baro Debles kek charo un kek witsepaskro tchuri, te lell lo peskre menshen dran o merepen win. Job hi o sorleder un dell tumen an mare wasta.”

1. Samuel 17:50

Jaake his o David o sorleder. Un les his kokres i witsepaskri un i bar. Un leskro bar tapras o Goliates un das les mulo. O Davides his kek charo an peskro wast.

1. Samuel 4:1

An ko tsiro wan i Filistarja khetne te kurenn le pen i Israelentsa. Un o Israel djas win an o kurepen lentsa. Un i Israelitarja his tardo pash Eben-Eser, un i Filistarja pash o foro Afek.