Čačepangre 3:3 - O Debleskro Drom 2021 (Sinte)

³ I pantch raja pral i Filistarja, i tsele Kanaanitarja un i Sidonarja un i Hiwarja, kai ap i berge Libanon djiwan mank i berga Baal-Hermon un Lebo-Hamat.

O Debleskro Lab 2024 (Sinte-Manouche)

³ I panč raya pral i Filistarya, i tsele Kanaanitarya oun i Sidonarya oun i Hivarya, kay ap i berge Libanon djivan mank i berga Baal-Hermon oun Lebo-Hamat.

Čačepangre 3:3 ပူးပေါင်းရင်းမြစ်များ

1. Mose 49:13

O Sebulon djiwell pash o baro pani, kote, kai i shiffe tchiddo hi. Leskro them djal bis pash o foro Sidon.

2. Samuel 24:7

Palle wan jon an o sorelo foro Tirus un an kol tsele forja, kai kol Hiwarja un kol Kanaanitarja djiwan, un ninna an o them Negev an o them Juda bis pash o foro Beersheba.

1. Rajengro liil 8:65

Un ap ko tsiro his kol bare diwessa, kai djiwenn i Israelitarja an patjengre khera. Un o Salomo khetne kol tsele Israelentsa rikran kol bare diwessa. His bud menshe kote khetne dran o tselo them, fun Lebo-Hamat bis pash koi tala mank Israel un Egiptia. Efta diwessa his le khetne glan maro baro Debleste, un koi pal pale efta diwessa. Kolla his khetne deesh-te-star diwessa.

1. Rajengro liil 9:20

I tsele menshe, kai pral atchan kolendar, kai glan i Israelitarja an o them djiwan, un kolen i Israelitarja nai maran gar, kolengre tchawe, kai pal lende wan, kolen las o Salomo, te wenn le leskre budepangre, kai hunte budrenn leske. Kowa hi ninna kau diwes jaake. Jon his Amorarja, Hetarja, Perisarja, Hiwarja, un Jebusarja.

Ezekiel 47:20

Un kote, kai o kham tele djal, djal o them Israel bis pash o Mashkralstuno Baro Pani, bis pre wergel o foro Hamat. Jaake dur djal o them Israel ap koi rig, kai o kham tele djal.

4. Mose 13:29

An o them Negev djiwenn i Amalekarja. An o pralstuno them djiwenn i Hetarja, i Jebusarja un i Amorarja. Pash o baro pani un pash o pani Jordan djiwenn i Kanaanitarja.”

4. Mose 34:8

Un kotar dureder bis kote, kai djal an Hamat, un dureder pash Zedad,

5. Mose 1:7

Stenn kanna pre un djan dureder pash i berge, kai i Amorarja djiwenn, un kote, kai kol Kanaanitarja djiwenn: an o telstuno them o panjestar Jordan, un an o pralstuno them, un an o diwjo them Shefelah un an o them Negev pash o baro pani bis pash i berge Libanon un o baro lengsto pani Eufrat.

5. Mose 3:9

[Ap i berga Hermon penenn i menshe dran o foro Sidon ‘berga Sirjon’. Un i Amorarja penenn ‘Senir’ ap late.]

Josua 11:19

Koi his kek foro, hoi pes gar lentsa kuras, har i Hiwarja kokres, kai an o foro Gibeon djiwan. Kol tsele wawar forja lan le an o kurepen dren.

Josua 11:3

Ninna bitchras lo murshen pash i Kanaanitarja, kai djiwenn kote, kai o kham pre djala un kote, kai o kham tele djal pash i Amorarja, pash i Hetarja, pash i Perisarja, pash i Jebusarja ap i berge, pash i Hiwarja tele pash i berge Hermon an o them Mizpa.

Josua 13:3

un ko them, kai i Kanaanitarja djiwenn, mank o pani Shihor, hoi glan o them Egiptia nashell, un o foro Ekron, kai kote tchiddo hi, kai norden hi; un kol pantch forja, pral kolende pantch Filistarja i raja hi: Gaza, Ashdod, Ashkelon, Gat un Ekron; koi pashel ko them, kote kai o kham pralstunes hi, un kai i Awarja djiwenn;

Josua 13:5

un ko tselo them, kai i Gebalarja djiwenn, un kote, kai o kham pre-djal kol tsele berge, kai kharenn Libanon, fun o foro Baal-Gad, hoi tella pash i berga Hermon tchiddo hi, bis tele ap o drom, hoi an Lebo-Hamat djal;

Josua 19:28

Ebron, Rehob, Hammon un Kana, un dureder bis pash o baro foro Sidon.

Josua 9:7

Koi penan i Israelengre mursha ap kol Hiwarja: “Nai hi, te djiwenn tumer kate mashkral mende! Har nai kras mer palle sawo koowa tumentsa win?”

Čačepangre 10:12

i Sidonarja, i Amalekarja un i Maonarja? Un har tumer ap mande gole dan, lom me tumen dran lengre wasta win.

Čačepangre 10:7

Kote chatchas i bari choli pre an o baro Debleste ap i Israelitarja. Un job das len an i wasta i menshendar dran i themma Filistia un Ammon.

Čačepangre 14:4

Leskro dad un leskri dai haiwan gar, te was kowa o baro Deblestar, kai i drom rodas, te nai perell lo ap i Filistarja. Kolla his i raja pral o Israel an ko tsiro.

Čačepangre 18:7

Un kol pantch mursha djan dureder un wan an o foro Lajish. Un jon dikan i menshen, kai koi his. Kolla djiwan kek darjah, jaake har i Sidonarja ninna djiwan, kek darjah un kek kurepah. Un an o tselo them his kek, kai dals len trad un rikrals len tele. Un jon his dur krik o forestar Sidon. Un tchi un kek his penepaske pral lende.

Čačepangre 4:2

Un o baro Dewel das len an o wast o baro rajestar Jabin. Kowa his o baro rai pral o them Kanaan un djiwas an o foro Hazor. Un leskro pralstuno lurdo kharas Sisera. Un kowa djiwas an o foro Haroshet-Gojim.

1. Samuel 13:5

Ninna i Filistarja wan khetne, te djan le an o kurepen i Israelentsa: 3.000 (trijanda-serja) wurdja, un 6.000 (shob-serja) murshentsa koi pre, ninna bud lurde, kai nashenn, jaake bud har i santa pash o baro pani hi. Kolentsa djan le pre un tchiwan pen pash o foro Michmas tardo ap koi rig o forestar Bet-Awen, kai o kham pre djal!

1. Samuel 29:2

Un i pralstune Filistarja djan pengre shelentsa un pengre serjentsa. Un pal lende djas o Achish o Davideha un leskre murshentsa.

1. Samuel 6:16

Un har kol pantch raja pral i Filistarja kowa lauter dikan, djan le ko emligo diwes pale an Ekron.

1. Samuel 6:18

Ninna dan le sonakangre kermuse, jek kermuso hako foreske, pral koleste i pantch Filistarja i raja his: gar kokres i sorele forjenge, na-a ninna hako gab. Ko baro bar, kai tchiwan le o mochton pre, kai o Debleskre deesh laba dren hi, ko bar hi gomme kau diwes tchiddo ap ko kotar phub, hoi hi ko murshes Josua dran Bet-Shemesh.

1. Samuel 6:4

Un jon putchan: “Hoi hi kowa hoi mer hunte das leste, te well lauter pale mishto?” Jon penan: “Pantch raja hi an o them Filistia. Len un tumen hi o emligo nasslepen. Doleske krenn pantch sonakangre figure, hoi win dikenn har o dukepen, hoi ap tumaro mass was, ninna pantch sonakangre figure, hoi win dikenn har kol kermuse, kai chan tumaro them pre. Denn kolen o Israeleskro Debleste. Jaake sikrenn tumer leste, te djinenn, har baro job hi. Nai well, te lell lo peskro wast tumendar pale, ninna tumare deblendar un tumaro themestar.