Čačepangre 3:20 - O Debleskro Drom 2021 (Sinte)

²⁰ Un o Ehud was pash leste dren, har o baro rai pral an i isema beshdo his, kai gar jaake tato his, un hoi leske kokres his. Un o Ehud penas: “Ko lab, hoi man tuke hi, hi o Deblestar.” Koi stas o baro rai dran peskri beshepaskri pre.

O Debleskro Lab 2024 (Sinte-Manouche)

²⁰ Oun o Ehoud vas pash leste dren, har o baro ray pral an i isema beshdo his, kay gar yaake tato his, oun hoy leske kokres his. Oun o Ehoud penas: “Ko lab, hoy man touke hi, hi o Deblestar.” Koy stas o baro ray dran peskri beshepaskri pre.

Čačepangre 3:20 ပူးပေါင်းရင်းမြစ်များ

2. Samuel 24:12

“Dja pash o Davideste un pen leske: Kawa penell o baro Dewel: Triin koowa penau tuke. Rode tuke jek win, un kowa krau me tuke.”

Nehemia 8:5

Un o Esra his tardo pral ap o kashteno mochton. Un i tsele menshe dikan, har kras lo o liil pre. Koi stan le lauter pre.

Debleskri gili 29:1

I gili o Davidestar. Tumer bolepangre, sharenn o baro Debles! Sharenn leskro railepen un leskri soor!

Jeremia 10:7

Hakeno hunte trashell tutar un hunte hadell tut. Tu hal o baro rai pral i themma! Ap tute hunte shunenn le. Mashkral kol tsele gosewende un bare rajende ap kai phub hi kek jaake har tu hal.

Jeremia 36:22

His an o wend un o baro rai his beshdo an peskro wendeskro kheer glan i jag.

Amos 3:15

Me dau lengre nijalengre khera khetne, un ninna lengre wendengre khera. Un khetne perenn kol khera, hoi shukar kerdo hi i dandentsa fun i elefante; hako baro kheer well paash dino, penell o baro Dewel.

Micha 6:9

Shunenn, hoi dell o baro Dewel gole pral o foro Jerusalem! – Koon gosewo hi, kowa lell leskre laba ap o dji! Shunenn, tumer menshe, kai wenn khetne an o foro!

4. Mose 23:18

Koi penas o Bileam kal laba ap leste: Tu, o Balak, koleskro dad o Zippor hi, ste pre, un shun! Muk kowa an tiro shero dren te djal, hoi me penau!

Čačepangre 3:19

Job kokres rissras pes trujel, har his lo pash kol barrengre deblende, hoi pash o foro Gilgal tardo his. Un djas pale pash ko baro rajeste un penas leske: “Man hi tuke tchomone te penell, hoi kek wawar hunte shunell har tu, miro rai.” Un ko baro rai penas leske: “Atch kanna!” Ap kolende, hoi trul leste his, penas lo: “Djan win!”

Čačepangre 3:21

Un o Ehud las peskro serwo wasteha peskro charo, hoi ap peskri tchatchi rig his, un das les o baro rajeske an o per tchurje.