Čačepangre 3:16 - O Debleskro Drom 2021 (Sinte)

¹⁶ Un o Ehud kras peske i tikno charo, i paash metari lengsto, hoi hake dui rigjendar tchinas. Un ko charo pandas lo tel peskre koola, ap leskri tchatchi rig.

O Debleskro Lab 2024 (Sinte-Manouche)

¹⁶ Oun o Ehoud kras peske i tikno rharo, i paash metari lengsto, hoy hake douy rigyendar činas. Oun ko rharo pandas lo tel peskre koola, ap leskri čači rig.

Čačepangre 3:16 ပူးပေါင်းရင်းမြစ်များ

2. Samuel 20:8

Har jon pash ko baro bar pash Gibeon his, was o Amasa glan lende koi. O Joab hidjras i baja, un koi pral i pereskri dori, ap kolate i lengsti tchuri an peskri shatula pandlo his. Te tchiwas pes o Joab glan, peras koi tchuri win.

Debleskri gili 149:6

Lengre muja denn bari gole, te sharenn le pengro Debles. An lengre wasta well len i charo, hoi ap dui rigja tchinella,

Debleskri gili 45:3

Tu hal shukeder har i wawar menshe. Dran tiro mui wenn latche laba. Tchatchepah o Dewel tchiwas peskri bacht ap tute, te atchell li hako tsireske ap tute.

Kamlepaskri gili 3:8

Latche kurepangre hi le halauter, un haiwenn mishto te kurenn le pen o chareha. Hakeno lendar hidjrell peskro charo ap i rig, te kurell lo pes koleha, kai tchorchanes nai well an i rati.

Hebrearja 4:12

O Debleskro lab hi djido un sorelo, un tchinell sorleder har i charo, hoi tchinell ap dui rigja. Jaake har tchinell i charo dur dren an o mass, ninna an i kokale, jaake tchinell o Debleskro lab dur dren an o mensheskro dji, un sikrell leste, hoi hi latcho un tchilatcho an leskro djipen.

Debleskro tsiro 1:16

Un an leskro tchatcho wast his les efta bolepangre momlia. Un dran leskro mui was i charo, hoi ap dui rigja nai tchinella. Un leskro mui his har o kham.

Debleskro tsiro 2:12

“Tchin kau liil ap o Debleskro budepaskro, kai dell jak ap i patslende an o foro Pergamon: Kawa penell kowa, koles o charo hi, hoi ap dui rigja tchinella.

Čačepangre 3:15

Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Un kowa his o Ehud, leskro dad his o Gera, i Benjaminari. O Ehud his i mursh, kai i serwo wasteskro hi. Un i Israelitarja bitchran les, te anell job lengre lowe o baro rajeske pral o them Moab, kol lowe, hoi jon hunte leske dan.

Čačepangre 3:17

Un job anas o baro rajeske pral o them Moab kol lowe, hoi jon hunte leske dan. Un o baro rai Eglon his i pesso thullo mursh.

Čačepangre 3:21

Un o Ehud las peskro serwo wasteha peskro charo, hoi ap peskri tchatchi rig his, un das les o baro rajeske an o per tchurje.