Čačepangre 3:10 - O Debleskro Drom 2021 (Sinte)

¹⁰ Un o baro Debleskro ducho was pral leste, un job was o tchatchepaskro rai pral i Israelitarja. Un job djas win an o kurepen. Un o baro Dewel das o baro rajes pral o them Mesopotamia an leskro wast. Koleskro lab his Kushan-Rishatajim. Un o Otnijel was sorleder har job.

O Debleskro Lab 2024 (Sinte-Manouche)

¹⁰ Oun o baro Debleskro dourho vas pral leste, oun yob vas o čačepaskro ray pral i Israelitarya. Oun yob djas vin an o kourepen. Oun o baro Devel das o baro rayes pral o them Mesopotamia an leskro vast. Koleskro lab his Koushan-Rishatayim. Oun o Otniel vas zorleder har yob.

Čačepangre 3:10 ပူးပေါင်းရင်းမြစ်များ

1. Familjakro liil 12:18

Un o David djas pash lende win, un penas ap lende: “Wan tumer an o kamlepen pash mande, te rikrenn pash mande, palle hi miro dji tumentsa jek! Te wan te phukrenn ap mande pash kolende, kai kamenn man te marell, palle mu dikell o Dewel mare dadendar koi pal, un mu dell tumen i phagi. Job djinell, kai krom kek tchilatcho koowa.”

2. Familjakro liil 15:1

Un o Debleskro ducho was pral o Asarja, koleskro dad o Oded his.

2. Familjakro liil 20:14

Un o baro Debleskro ducho was ap i Levitari, kai his tardo mashkral kol bud menshende. Job was i menshendar Asaf. Leskro lab his Jahasijel, koleskro dad his o Secharja, koleskro dad his o Benaja, koleskro dad his o Jehijel, koleskro dad his o Mattanja.

Debleskri gili 51:11

Ma dik ap miri doosh, un le o tchilatcho koowa, hoi krom, mandar krik!

4. Mose 11:17

Me kamau tele te well, un kote tuha rakrell, un lau i kotar ko duchestar, hoi ap tute hi, un tchiwau les ap lende, te nai krenn jon khetne tuha kai phari budi, hoi hi har i pharo koowa ap tire phika. Tu hunte hidjress kowa gar lauter kokres.

4. Mose 11:25

Koi was o baro Dewel tele an i wolka un rakras o Moseha, un las i kotar ko duchestar, hoi ap leste his, un tchiwas les ap kol efta-deesh phureder. Un har o Debleskro ducho ap lende his, kharan le laba win har kol Debleskre rakepangre. Jon kran kowa kokres kau jek kopo.

4. Mose 11:29

O Mose penas ap leste: “Kreh tu kowa mange? Me kamoms, te dals o baro Dewel peskre tsele menshende peskro ducho, te wans le halauter Debleskre rakepangre, kai leskre laba win kharenna.”

4. Mose 24:2

un dikas kol Israelitarja, har lengre plachtene khera tardo hi, haki bari familja peske. Un o Debleskro ducho was ap leste.

4. Mose 27:18

Un o baro Dewel penas ap o Moseste: “Le o Josua pash tute, koleskro dad o Nun hi. O Josua hi i mursh, ap koleste miro ducho tchiddo hi. Un tchip tire wasta ap leste,

Hebrearja 6:4

Hi menshe koi, kolenge kras o Dewel lengre djia pre, te haiwan le leskro bolepaskro latchepen. Un o Debleskro Ducho budras an lengre djia. Un jon haiwan o Debleskro latcho lab un leskri soor an lengro djipen. Kolla te perenn o Debleskro dromestar tele, nai anell len kek pale ap o Debleskro drom. Kowa, hoi jon krenna hi jaake, har te denn le penge o Jesus Kristes pale ap o trushel. Un kol wawar san pral leste.

Čačepangre 11:29

Kote was o ducho o baro Deblestar pral o Jefta. Un job djas an o tselo them Gilead un Manasse trujel un was pale an o foro Mizpe an Gilead. Un kotar djas lo an o kurepen, te kurell lo pes i lurdentsa dran o them Ammon.

Čačepangre 11:32

Un jaake djas o Jefta ap i wawar rig o panjestar pash i Ammonarja, un kuras pen lentsa. Un o baro Dewel das len an leskro wast.

Čačepangre 13:25

Un o ducho o baro Deblestar was ap leste o ersto kopo, har his lo ap i platsa Machaneh-Dan mashkral i forja Zora un Eshtaol.

Čačepangre 14:19

Un o baro Debleskro ducho was pral leste. Un job djas tele an o foro Ashkelon un das trijanda murshen lendar mulo, un riwas len win, un das kol koola kolen, kai leske penan, hoi peskre laba kaman te penell. Un bari choljah djas lo pale an peskro dadeskro kheer.

Čačepangre 14:6

Un o baro Debleskro ducho was pral o Simsoneste. Un peskre wastentsa phagas lo o lewes an kotja, har te wals kowa i busni. Peskro dadeske un peskri dake penas lo tchi kolestar.

Čačepangre 15:14

Un har lo an o foro Lehi was, dan i Filistarja bari gole i bachtjatar. Un o baro Debleskro ducho was pral leste. Un kol shelle trul leskre mussja wan har laintikre thaba, ap kolende jag was, un peran tele.

Čačepangre 3:11

Un ko themeske Israel djas 40 (star-deesh) bersha latches un kek kurepen his an ko tsiro. Un palle meras o Otnijel, koleskro dad o Kenas his.

Čačepangre 3:8

Kote chatchras i choli o baro Deblestar pral o Israel pre. Un job das len an o wast o baro rajestar Kushan-Rishatajim. Kowa his baro rai pral o them Mesopotamia. Un i Israelitarja hunte budran leske ochta bersha.

Čačepangre 6:34

Kote was o baro Debleskro ducho pral o Gideon. Un job phurdas an i phurdepaskri, te dell lo i Abijesarja khetne gole, te wenn le leske palla an o kurepen.

1. Samuel 10:10

Har wan le pash Gibea, wan Debleskre rakepangre ap o drom pash lende. Un o Debleskro ducho was pral leste, jaake te rakras lo lentsa khetne o Debleskro rakepen win.

1. Samuel 10:6

Un o baro Debleskro ducho well pral tute, un tu rakreh lentsa khetne o Debleskro rakepen win. Un kote weh tu i wawar mensho.

1. Samuel 11:6

Un har o Saul kol laba shunas, was o Debleskro ducho pral leste, un i choli chatchras an leste pre.

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.