Čačepangre 3:1 - O Debleskro Drom 2021 (Sinte)

^1-2 Un kalla hi kol menshe, hoi o baro Dewel an o them mukas, te dikell lo, te shunenn i Israelitarja ap leste. Ninna kamas lo lende te sikrell, har jek pes hunte kurell. Kowa kamas lo lauter kolen te sikrell, kai djinan tchi o kurepastar, hoi djas trul o them Kanaan. Un kal menshe atchan an o them:

O Debleskro Lab 2024 (Sinte-Manouche)

^1-2 Oun kalla hi kol menshe, hoy o baro Devel an o them moukas, te dikell lo, te shounenn i Israelitarya ap leste. Ninna kamas lo lende te sikrell, har yek pes hounte kourell. Kova kamas lo lauter kolen te sikrell, kay djinan či o kourepastar, hoy djas troul o them Kanaan. Oun kal menshe ačan an o them:

Čačepangre 3:1 ပူးပေါင်းရင်းမြစ်များ

2. Familjakro liil 32:31

An ko tsiro, kai bitchran i pralstune dran o them Babilonia bitchepangren pash o Hiskija, te putchenn le lestar, hoi an o them djas, har o Dewel sawo baro koowa kras, hoi kek wawar nai krella, kote mukas les o Dewel kokres, te dikell lo, hoi an leskro dji hi, un hoi krals lo.

Hiob 23:10

Job djinell hawo drom me djau. Dikals lo palla, har djiwau, hatsals lo win, te hom djudjo har sonakai.

2. Mose 15:25

Koi das lo gole ap o baro Debleste. Un o baro Dewel sikras les i kotar kasht. Kowa witsras lo an o pani, un o pani was latcho. Kote das o baro Dewel len laba, hoi sikrenna, hoi lo lendar kamell, un har te djiwenn le an leskro tchatchepen. Un kote kamas lo ninna te dikell, te shunenn le ap leste.

Gosewe laba 17:3

Jaake har o rup an i jag tchiddo well, un o sonakai an i bob, jaake lell o baro Dewel i menshengre djia an o jak.

Jeremia 6:27

O baro Dewel penas ap mande: Me kamau, te djas tu pash mire menshende, un dikess, hoi jon krenna, un har jon djiwenna.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Johanni 2:24

O Jesus das kek patsepen ap lende. Job prindjras lauteren.

5. Mose 7:22

Job tradell kal menshen win glan tumende, jek pal o wawar, un hakeno peskro tsireske. Tumer nai denn len gar ap jek kopo mulo. Palle wens i diwje vieche budeder un djans ap tumende.

5. Mose 8:16

un das tumen Manna te chal an o mulo tato them, ko maro, hoi tumare phure gar prindjran. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi, te nai krell lo les tumenge pal kowa mishto.

5. Mose 8:2

Ma bistrenn, har djas tumaro baro Dewel glan tumende an kol 40 (star-deesh) bersha, har djan an o mulo tato them trujel. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi: Shunenn tumer ap leskre laba oder gar?

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

1. Petro 4:12

Kamle mala, tumaro dji well gar dareno, te wenn tumer soreles palla lino. Sawo koowa djal kolenge, kai patsle hi. Kote well diklo, har tumaro patsepen hi.

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.

Čačepangre 1:1

Un har o Josua meras, putchan i Israelitarja o baro Debles: “Koon mendar djal glanstunes an o kurepen i menshentsa an o them Kanaan?”

Čačepangre 2:10

Palle meran ninna kol tsele wawar menshe, kai an kau tsiro djiwan, har o Josua djiwas. Un pal lende wan menshe, kai o baro Debles gar prindjran, witar gar kowa, hoi job i Israelenge kras.

Čačepangre 2:23

Un doleske mukas o baro Dewel i wawar menshen an o them te atchell, kolen job gar an o wast o Josuestar das, un tradas len gar sik win.