Čačepangre 21:7 - O Debleskro Drom 2021 (Sinte)

⁷ Hoi nai kras mer kolenge, kai djido atchan, te well len romjen? Kek mendar dell len peskri tchai. Jaake dam men sowel glan o baro Debleste.”

O Debleskro Lab 2024 (Sinte-Manouche)

⁷ Hoy nay kras mer kolenge, kay djido ačan, te vell len romyen? Kek mendar dell len peskri čay. Yaake dam men sovel glan o baro Debleste.”

Čačepangre 21:7 ပူးပေါင်းရင်းမြစ်များ

Čačepangre 21:1

Har his i mursha dran o Israel an o foro Mizpa, dan le pen sowel, te dell kek lendar peskri tchai jekes dran i menshende Benjamin.

Čačepangre 21:18

Mare tchen nai dah len gar te romedinerenn le len. I tsele Israelitarja dan pen sowel, un penan: ‘Praassedo well kowa, hoi i Benjamines i djuwjat dell.’”

Čačepangre 21:22

Un te wenn lengre dada un lengre phrala, te tchingrenn le mentsa, palle kamah lenge te penell: ‘Awenn menge latches, un mukenn lenge kol tchen! Mer nashte lap gar hakeneske lendar i romni an o kurepen. Un tumer han gar kolla, kai dan len lende. Jaake anenn tumer kek doosh ap tumende, te mukenn tumer len lende.’”

Čačepangre 21:6

Un kanna rowan i Israelitarja an pengre djia pral kowa, hoi i menshentsa djas, kai wan lengro phralestar o Benjamin, un penan: “Kau diwes was i kasht tele dino o rukestar Israel.

Čačepangre 21:8

Doleske putchan le: “Dell kol 12 (deesh-te-dui) bare familjendar, kai wenn o Jakobeskre tchawendar, jek, kai was gar an o foro Mizpa, har mer glan o baro Debleste khetne wan?” Un jon shunan, te was kek dran o foro Jabesh, hoi an o them Gilead hi, ap i platsa, kai o tsillo his.

1. Samuel 14:45

I Israeleskre mursha penan ap o Saul: “Hunte merell o Jonatan, kai ko baro koowa kras un las o Israel win? Kowa krah mer gar! Pash o djido Debleste dah men sowel: Kek bal te perell tele leskro sherestar! O Dewel his ap leskri rig, doleske nai kras job kau diwes sau baro kowa.” Jaake lan i mursha o Jonatanes win dran o merepen. Un job was gar maredo.