Čačepangre 21:1 - O Debleskro Drom 2021 (Sinte)

¹ Har his i mursha dran o Israel an o foro Mizpa, dan le pen sowel, te dell kek lendar peskri tchai jekes dran i menshende Benjamin.

O Debleskro Lab 2024 (Sinte-Manouche)

¹ Har his i morsha dran o Israel an o foro Mispa, dan le pen sovel, te dell kek lendar peskri čay yekes dran i menshende Benyamin.

Čačepangre 21:1 ပူးပေါင်းရင်းမြစ်များ

Sikepaskro 5:2

Koneske bud an o shero trujel djal, kowa dell phare sunja. Un koon bud laba krell, rakrell sik dinelo koowa.

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Jeremia 40:6

Jaake was o Jeremia an o foro Mizpa pash o Gedalja, koleskro dad o Ahikam his, un atchas pash leste mank peskre menshende, kai atchan pral an o them.

Markus 6:23

Un job das pes sowel: “Hoi tu mandar ninna mangeh, kowa dau tut, ninna te mangeh mandar o paash miro themestar un brawlepen.”

Bičepangre 23:12

Taissarlake wan budeder har star-deesh bibolde khetne, un dan pen sowel, te chan le un te pijenn le tchi jaake rah, bis te jon o Paules maran.

Remarja 10:2

Me djinau tchatchepah, jon krenn bud koowa o tselo djijeha o Debleske. Ninna te krenn le kowa, djinenn le tchatchepah gar, hoi o Dewel kamella.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.

Čačepangre 20:10

te rodas deesh murshen dran jek sheel win, un jek sheel dran jek sero, un jek sero dran deesh-serja dran hake bare familje, kai wenna o Jakobeskre deesh-te-dui tchawendar. Kolla wi-rodede mursha hunte anenn o chapen i wawar lurdenge, kai wan khetne, te denn le i menshen an o foro Gibea ko ladjedo koowa pale, hoi le kran.”

Čačepangre 20:48

Un i Israelitarja rissran kote trujel, un djan pale an o them Benjamin, un dan o chareha lauter mulo, hoi hatsan le an kol forja, menshen un viechen. Un i tsele forja, hoi hatsan le, chatchran le pre.

Čačepangre 20:8

Kote hadan pen kol tsele mursha, un his jek dji un jek djipen, un penan har dran jek mui: “Kek mendar te djal pale an peskro plachteno kheer,

Čačepangre 21:18

Mare tchen nai dah len gar te romedinerenn le len. I tsele Israelitarja dan pen sowel, un penan: ‘Praassedo well kowa, hoi i Benjamines i djuwjat dell.’”

Čačepangre 21:22

Un te wenn lengre dada un lengre phrala, te tchingrenn le mentsa, palle kamah lenge te penell: ‘Awenn menge latches, un mukenn lenge kol tchen! Mer nashte lap gar hakeneske lendar i romni an o kurepen. Un tumer han gar kolla, kai dan len lende. Jaake anenn tumer kek doosh ap tumende, te mukenn tumer len lende.’”

Čačepangre 21:5

Un i Israelitarja putchan mank pende: “Dell kol 12 (deesh-te-dui) bare familjendar, kai wenn o Jakobeskre tchawendar, jek, kai was gar pash o tsillo glan o baro Debleste?” Kowa his jaake, har i menshe khetne gole dino wan, te wenn le an Mizpa, dan le pen i bari sowel un penan: “Koon well gar an Mizpa glan o baro Debleste, kowa hunte merell.”

Čačepangre 21:7

Hoi nai kras mer kolenge, kai djido atchan, te well len romjen? Kek mendar dell len peskri tchai. Jaake dam men sowel glan o baro Debleste.”

1. Samuel 14:24

O Saul das i Israelitarjen trad un penas: “Bibacht pral koleste, kai chal kau diwes, jaake rah o kham gomme gar tele djas, un me gar kolen lauteren pale dom, kai kaman man te marell.” Doleske his i murshen dran Israel buder kek soor i bokatar, un o marepen was lenge phares.