Čačepangre 2:16 - O Debleskro Drom 2021 (Sinte)

¹⁶ Un pale te pale mukas o baro Dewel tchatchepangre murshen pre te stell. Kolla lan len win dran o wast kolendar, hoi lendar tchoran.

O Debleskro Lab 2024 (Sinte-Manouche)

¹⁶ Oun pale te pale moukas o baro Devel čačepangre morshen pre te stell. Kolla lan len vin dran o vast kolendar, hoy lendar čoran.

Čačepangre 2:16 ပူးပေါင်းရင်းမြစ်များ

2. Samuel 7:11

kai rodom me tchatchepangre raja mire menshenge win. Me rikrau lauteren kolen tutar krik, kai kamenn te kurenn pen tuha. Me, o baro Dewel, penau tuke, tu kreh mange kek kheer. Me krau tuke i kheer.

Nehemia 9:27

Doleske dal tu len an o wast kolendar, kai lenge i pharo djipen kran. Un har len bari daar his, dan le gole ap tute. Un tu shunal len dran o bolepen, un kral tiro dji lenge pre, un bitchral lenge murshen, kai len win lan dran i tchilatche wasta.

Bičepangre 13:20

Kowa his star-sheel-te-paash (450) bersha pal ko tsiro, har mare phure an o them Egiptia wan. Har wan le an o them Kanaan, tchiwas o Dewel tchatchepangren pral lende. Kolla his lengre pralstune jaake rah, bis te was o Debleskro rakepaskro, o Samuel.

Čačepangre 10:1

Un pal o Abimelech stas i mursh pre, te lell lo o Israel win dran i tchilatche wasta. Kowa his o Tola. Leskro dad his o Puwa, un koleskro dad his o Dodo i menshendar Issachar. O Tola djiwas an o foro Shamir an i berge Efrajim.

Čačepangre 11:32

Un jaake djas o Jefta ap i wawar rig o panjestar pash i Ammonarja, un kuras pen lentsa. Un o baro Dewel das len an leskro wast.

Čačepangre 3:15

Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Un kowa his o Ehud, leskro dad his o Gera, i Benjaminari. O Ehud his i mursh, kai i serwo wasteskro hi. Un i Israelitarja bitchran les, te anell job lengre lowe o baro rajeske pral o them Moab, kol lowe, hoi jon hunte leske dan.

Čačepangre 3:31

Un pal leste was o Shamgar o tchatchepaskro mursh. Koleskro dad his o Anat. Un o Shamgar das 600 (shob-sheel) Filistarjen mulo sawo kashteha, koleha jek i grumjen tradell. Un ninna job las i Israelitarjen win dran o wast kolendar, kai lenge o djipen phares kran.

Čačepangre 4:5

Un joi his beshdo tel ko palmtikro ruk, hoi kharella ‘palma i Deboratar’. Un koi palma his ap o drom mashkral o foro Rama un o foro Betel an o pralstuno them Efrajim. Un i Israelitarja wan pash late, te krell li o tchatchepen pral lende win.

Čačepangre 6:14

Kote rissras pes o baro Dewel pash leste, un penas: “Dja koi an tiri soor! Un le o Israel dran o Midianeskro wast win! Me bitchrau tut.”

Ruth 1:1

An ko tsiro, har i tchatchepangre mursha i raja pral o Israel his, was i bari bok an o them. Un i mursh dran o foro Betlehem an o them Juda djas an o them Moab, te djiwell lo koi peskri romjah un peskre dui mursh tchawentsa.

1. Samuel 12:11

Kote bitchras o baro Dewel o Jerub-Baal, o Bedan, o Jefta un o Samuel, un las tumen win dran i wasta kolendar, kai tumen tele rikran, jaake te nai djiwan kek darjah.

1. Samuel 14:48

Job his i tchatcho mursh un maras i Amalekarja, un las o Israel dran kolengre wasta win, kai lendar randan.