Čačepangre 2:14 - O Debleskro Drom 2021 (Sinte)

¹⁴ Kote tapras o baro Debles i bari choli pral i Israelitarja. Un job das len an o wast kolendar, kai len wi-tchorenn. Un ninna mukas lo len an i wasta kol menshendar te perell, kai trul lende djiwenn un lenge o djipen phares kran. Jaake his i Israelitarja buder gar soreles doha, te denn le kolen pale, kai ap lende djan.

O Debleskro Lab 2024 (Sinte-Manouche)

¹⁴ Kote tapras o baro Debles i bari rholi pral i Israelitarya. Oun yob das len an o vast kolendar, kay len vi-čorenn. Oun ninna moukas lo len an i vasta kol menshendar te perell, kay troul lende djivenn oun lenge o djipen phares kran. Yaake his i Israelitarya bouder gar zoreles doha, te denn le kolen pale, kay ap lende djan.

Čačepangre 2:14 ပူးပေါင်းရင်းမြစ်များ

2. Samuel 24:1

Un o baro Dewel was pale chojedo ap o Israel. Un job kras, te anell o David bibacht ap kol menshende an Israel, un penas leske: “Dja koi un hatse win, har bud mursha hi an Israel un an Juda!”

2. Samuel 7:11

kai rodom me tchatchepangre raja mire menshenge win. Me rikrau lauteren kolen tutar krik, kai kamenn te kurenn pen tuha. Me, o baro Dewel, penau tuke, tu kreh mange kek kheer. Me krau tuke i kheer.

2. Rajengro liil 13:3

Un ko tselo tsiro, har o Joahas baro rai his, was o baro Debleskri choli pale te pale pral i Israelende. Un job das len an o wast o baro rajestar Hasael un leskro tchawestar Ben-Hadad. O Hasael his o baro rai pral o them Syria.

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

2. Familjakro liil 15:5

An kol tsirja djiwan i menshe gar an o latchepen khetne an kal themma. Jaake hunte darell hakeno peskro djipaske, kai djas ap o drom.

2. Familjakro liil 28:5

Doleske das les leskro baro Dewel an o wast o baro rajestar pral o them Syria. Kol Syrarja dan i lurden dran Juda khetne, un lan bud lendar pandles, un anan len an pengro foro Damaskus. Ninna i lurde dran Israel kuran pen i lurdentsa dran Juda, un wan i sorleder un maran bud lendar.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Nehemia 9:27

Doleske dal tu len an o wast kolendar, kai lenge i pharo djipen kran. Un har len bari daar his, dan le gole ap tute. Un tu shunal len dran o bolepen, un kral tiro dji lenge pre, un bitchral lenge murshen, kai len win lan dran i tchilatche wasta.

Debleskri gili 44:11

Tu mukal men pale te djal glan kolende, kai kuran pen mentsa. Jaake nai tchoran kolla mare koola, kai pral mende wan.

Debleskri gili 44:12

Har vieche, hoi wenn maredo, dal tu men pre. Un an i tsele themma trujel tradal tu men, jaake te atcham gar khetne.

Jesaja 42:24

Koon his kowa, kai mukas o Jakobes win te randell, un das o Israeles i tchorepangren an i wasta? His kowa gar o baro Dewel? Job hi, koleske o dumo sikram un leskro drom gar djam, un ap leskre laba gar shunam.

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jeremia 37:10

Te nai marans tumer ninna i tsele lurden dran o them Babilonia khetne, kolla kai kurenn pen tumentsa, un te atchans lendar kokres i wast pherdo pral, kai dukedo hi, palle stakrans le dran pengre plachtene khera pre, un chatchrans kau fores tele.

3. Mose 26:17

Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.

3. Mose 26:28

palle djau me an choli ap tumende, un dau tumen i phagi hoi hi efta kope phareder har kaja, hoi bis kanna ap tumende was.

4. Mose 32:13

Jaake was o baro Debleskri choli pral i Israelitarja, un job mukas len trujel te djal an o mulo tato them star-deesh bersha, bis te kek buder koi his kol tsele menshendar, kai choiran o baro Debles.

4. Mose 32:14

Un kanna krenn tumer ko emligo koowa! Tumer han tchatche tchawe tumare dadendar! Mursha, kai o Debleskro drom tele djan un krenn, te well o baro Debleskri choli pral Israel bareder.

5. Mose 28:20

Te mukenn tumer o baro Debles un djan ap tumaro tchilatcho drom, bitchrell lo mank tumende bibacht un daar an halauter, hoi tumer krenna, jaake te djinenn buder gar, hoi te krenn. Jaake merenn tumer un djan sik tele.

5. Mose 28:25

O baro Dewel krell, te wenn kolla sorleder har tumer, kai kurenn pen tumentsa. Ap jek drom djan tumer ap lende pre, un ap hake rigja hunte nashenn tumenge lendar. Un i menshenge an hake themma ap i phub atchell o rakepen krik i trashatar, te dikenn le, har tumenge djala.

5. Mose 28:58

Un o Mose penas dureder: Doleske denn jak, te djan ap o drom tumaro baro Deblestar! Un rikrenn leskre tsele laba, hoi an kau liil dren tchinlo hi! Un dikenn ap leste pre, ap tumaro rajeste, kai jaake baro koowa krell, kai darenn i menshe lestar.

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

Čačepangre 1:19

O baro Dewel his i murshentsa dran Juda. Doleske las o Juda o pralstuno them dren. Kolla, kai an o telstuno them djiwan, len his sasterne wurdja o kurepaske. Doleske nai tradan le len gar win.

Čačepangre 1:34

Un i Amorarja tradan i menshen dran o kheer Dan pale an i berge, un mukan len gar tele te well an o telstuno them.

Čačepangre 10:7

Kote chatchas i bari choli pre an o baro Debleste ap i Israelitarja. Un job das len an i wasta i menshendar dran i themma Filistia un Ammon.

Čačepangre 2:20

Kote chatchras i choli o baro Deblestar pral o Israel pre. Un job penas: “Kal tchilatche menshe rikran pen gar ap mire laba, hoi me lengre phurende dom, un shunan gar ap mande.

Čačepangre 3:12

Un i Israelitarja kran pale kowa, hoi tchilatches his an i jaka o baro Deblestar. Doleske kras o baro Dewel o baro rajes pral o them Moab sorelo, te djal job ap o Israel. Ko baro rai kharas Eglon.

Čačepangre 4:2

Un o baro Dewel das len an o wast o baro rajestar Jabin. Kowa his o baro rai pral o them Kanaan un djiwas an o foro Hazor. Un leskro pralstuno lurdo kharas Sisera. Un kowa djiwas an o foro Haroshet-Gojim.