Čačepangre 2:10 - O Debleskro Drom 2021 (Sinte)

¹⁰ Palle meran ninna kol tsele wawar menshe, kai an kau tsiro djiwan, har o Josua djiwas. Un pal lende wan menshe, kai o baro Debles gar prindjran, witar gar kowa, hoi job i Israelenge kras.

O Debleskro Lab 2024 (Sinte-Manouche)

¹⁰ Palle meran ninna kol tsele vavar menshe, kay an kava tsiro djivan, har o Yosua djivas. Oun pal lende van menshe, kay o baro Debles gar prindjran, vitar gar kova, hoy yob i Israelenge kras.

Čačepangre 2:10 ပူးပေါင်းရင်းမြစ်များ

1. Mose 15:15

Un tuke penau me: ‘Te mereh, soweh bachtelo dren. An i mishto phurepen weh tu paskedo.’

1. Mose 25:17

O Ismael was 137 (sheel-te-trijanda-te-efta) bersha phuro. Un job meras un was paskedo.

1. Mose 25:8

Les his i rah djipen. Un job meras an o mishto phurepen un was paskedo.

1. Mose 49:33

Har o Jakob kowa peskre tchawenge penas, tserdas job peskre herja ap o tchiben un meras.

2. Samuel 7:12

Te hi tiro tsiro trujel, un tu mereh, hadau jekes tire tchawendar, kai pal tute wenna, te well lo baro rai, un atchell kowa.

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

Hiob 21:14

I tchilatche penenn ap o Debleste: “Dja tuke mendar! Mer kamah tchi tire dromendar te djinell.

2. Mose 1:6

Pale meras o Josef un peskre phrala un leskre tsele menshe, kai an ko tsiro djiwan.

2. Mose 1:8

Pal bud bersha was i newo baro rai an o them Egiptia. Kawa djinas o Josefestar tchi,

2. Mose 5:2

Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

Jesaja 5:12

Jon mukenn penge mishto te djal un krenn bashepen ap dorjengre bashepangre un phurdepangre un wawar bashepangre. Un mool hi ninna pashel. Ap kowa, hoi o baro Dewel krell, dikenn le gar. Kolestar kamenn le tchi te djinell.

Jeremia 22:16

Job das o tchorweleste un koleste, kai tele rikedo his, peskro tchatchepen. Doleske djas leske mishto. Jaake hunte djiwell o mensho, kai man prindjrell, penell o baro Dewel.

Jeremia 31:34

Kek hunte penell ap o wawareste: Tu prindjress o baro Debles. Halauter djinenn, koon me hom, i tikne un i bare. Kowa penau me, o baro Dewel. Me bistrau koi doosh, hoi le ap pende anan, un lengro tchilatchepen well buder gar an miro shero.

Jeremia 9:2

Lengri tchip hi har i tchuri. Lengro chochepah wan le soreles an o them. O tchatchepen rakrenn le gar. Jek tchilatcho koowa pal o wawar krenn le. Man prindjrenn jon gar, penell o baro Dewel.

Jeremia 9:3

Hakeno mu dell pes garda peskro malestar, un ninna peskro phralestar! Jek phraal dell kol wawar phrales pral i kanda. Un i maal rakrell djungeles pral o wawareste.

Jeremia 9:5

Un mukenn gar tele, te rikrenn le i wawaren tele, un te chochenn le len. Man kamenn le gar te prindjrell, penell o baro Dewel.

4. Mose 27:13

Un te dikal tu kowa, mereh tu, jaake har tiro phraal Aron ninna meras.

Louka 20:32

Pal lende meras ninna koi romni.

Bičepangre 13:36

Un o David his an peskro djipen o Debleske koi. Un job meras un was paskedo pash peskre menshende. Un leskro mass ferdjas tel i phub.

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

2. Tessalonikarja 1:8

un i jag hi trul lende. Palle well o Debleskri choli pral kolende, kai kaman lestar tchi te djinell, kolla kai shunan gar ap o latcho lab maro rajestar, o Jesusestar, un kaman gar ap leskro drom te djal.

Tito 1:16

Jon penenn, te prindjrenn le o Debles. An lauter, hoi jon krenna, sikrenn le, kai jon les gar prindjrenna. Jon hi infam an o Debleskre jaka, un kamenn gar ap leste te shunell. Jaake hi lauter, hoi jon krenna, tchi moldo.

Josua 24:31

Un i Israelitarja mangan o baro Debles an, jaake rah har o Josua djiwas, un jaake rah, har pal leste kol phureder djiwan, kai ko tselo koowa dikan, hoi o baro Dewel i Israelenge kras.

1. Samuel 2:12

O Elijeskre tchawe his tchilatche un kaman o baro Deblestar tchi te djinell.