Čačepangre 2:1 - O Debleskro Drom 2021 (Sinte)

¹ Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.

O Debleskro Lab 2024 (Sinte-Manouche)

¹ Oun o baro Debleskro bolepaskro vas dran o foro Gilgal pre ap koy platsa, hoy kharella Bokim, oun penas: “Me lom t'men dran o them Egiptia vin, oun anom t'men an kava them, yaake har man sovel dom glan t'mare phoure dadende, te dau les t'mende. Oun me penom, te rikrap hako tsireske miro lab, hoy t'mende dom.

Čačepangre 2:1 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 16:13

Koi putchas i Hagar pestar: “Dikom me tchatchepah o Debles, kai man dikell?” Un joi das o baro Debles, kai lah rakras, ko lab ‘Tu hal i Dewel, kai man dikell’.

1. Mose 48:16

ko bolepaskro, kai las man win dran hako tchilatchepen, kowa mu tchiwell peskri bacht un soor ap kol tchawende, te djiwell miro lab dureder an lende, ninna o lab miro papestar Abraham un miro dadestar Isaak. Un lendar wenna bud menshe ap i phub.

Debleskri gili 89:3

Kowa hi hoi me penau: Hako tsireske atchell leskro latchepen, jaake rah har dell o bolepen, rikrell job peskro lab.

Debleskri gili 89:34

Miro latchepen lau lendar gar krik, un miro lab, hoi len dom, phagau me gar.

2. Mose 14:14

O baro Dewel kurell pes tumenge. Tumer hunte krenn tchi.”

2. Mose 14:19

Un o Debleskro bolepaskro, kai djal glan i Israelitarja, stas pre un djas pal lende. Un koi bari wolka glan lende hadas pes, un tchiwas pes pal lende jaake,

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

2. Mose 23:20

Me bitchrau i bolepaskro glan tumende, koon dell jak ap tumende ap o drom, hoi tumer djan. Un kowa anell tumen an ko them, hoi me tumenge wi-rodom.

2. Mose 33:14

O Dewel penas: “Me djau glan tute un anau tut an i them, kai tu khere hal.”

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Jeremia 14:21

Bitche men gar tutar krik, te well gar djungeles rakedo pral tute! Muk kek te sal pral Jerusalem, kai tiri raili beshepaskri tardo hi! Ma biste, hoi tu mentsa win kral, un le tire laba gar pale!

3. Mose 26:42

palle kamau koi sowel, hoi o Jakobeske dom, gar bistrell, witar gar koi sowel, hoi o Isaakeha dren djom, un koi sowel, hoi o Abrahameha krom. Un bistrau gar, te penom lenge, te dap o them lengre tchawenge, kai pal lende wenna.

3. Mose 26:44

Ninna te hi le an o them kolendar, kai lan len pandles, hi kowa gar jaake, te rissroms man krik lendar, un kamoms tchi buder lendar te djinell. Me mukau len gar lauter te merell. Miri sowel, hoi lende dom, phagau gar. Me, o baro Dewel, hom lengro Dewel.

Zakarie 11:10

Me lom miro kasht, hoi kharom ‘latchepen’ un phagom les. Jaake sikrom, kai phagom koi sowel, hoi o baro Dewel dren djas i tsele menshentsa Israel,

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

4. Mose 14:34

Star-deesh diwessa dikan tumen trujel, har ko them hi, un star-deesh bersha hunte hidjrenn tumari doosh: jek bersh hako diweske, te haiwenn tumer har kowa hi, te tserdau miro wast tumendar krik.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

5. Mose 7:9

Djinenn: tumaro baro Dewel hi kokres o tchatcho Dewel. Job rikrell peskro lab, un hoi lo tumentsa win kras. Latchepen un kamlepen dell lo kolende, hoi les o djijestar kamenn un krenn, hoi lo penell. Ninna lengre tchawenge, kai pal lende wenna, hi lo latcho, jaake rah har seri familje jek pal i wawar djiwenn.

Josua 3:10

Ap kawa dikenn, te hi o djido Dewel mashkral tumende, un te tradell lo glan tumende i Kanaanitarja win, ninna i Hetarja, i Hiwarja, i Perisarja, i Girgasharja, i Amorarja un i Jebusarja.

Čačepangre 11:24

Hi gar jaake? Te tradals tiro Dewel, o Kemosh, wawar menshen dran lengro them win, lals tu palle gar kolengro them dren? Muk men ko them dren te lell kolendar, kai maro baro Dewel glan mende win tradas!

Čačepangre 13:2

An ko tsiro djiwas i mursh an o foro Zora. Kowa his dran o kheer Dan. Koleskro lab his Manoach. Un leskri romni nai las kek tchawen.

Čačepangre 13:3

Un o bolepaskro o baro Deblestar mukas pes latar te dikell un penas ap late: “Tu djineh, te nai leh kek tchawen. Kanna djiness, tu weh wawartchandes un leh i mursh tchawes.

Čačepangre 2:5

Un jon penan ap koi platsa ‘Bochim’. Un jon anan kote o baro Debleske viechen, te chatchrenn le len leske.

Čačepangre 6:8

kote bitchras o baro Dewel i Debleskro rakepaskro pash lende. Un kowa penas lenge: “Kawa penell o baro Dewel, o Dewel pral o Israel: ‘Me anom tumen dran o them Egiptia win, kai tumer pandle budepangre hans,