Čačepangre 19:3 - O Debleskro Drom 2021 (Sinte)

³ Un kote kras pes lakro rom ap o drom, un djas lake palla, te rakrell lo lake an o dji, un lell lat pale pale pash peste. Un les his peskro budepaskres un dui esle pash peste. Un joi anas les an o peskro dadeskro kheer. Un har lakro dad les dikas, djas lo bachteles pash leste,

O Debleskro Lab 2024 (Sinte-Manouche)

³ Oun kote kras pes lakro rom ap o drom, oun djas lake palla, te rakrell lo lake an o dji, oun lell lat pale pale pash peste. Oun les his peskro boudepaskres oun douy esle pash peste. Oun yoy anas les an o peskro dadeskro kheer. Oun har lakro dad les dikas, djas lo barhteles pash leste,

Čačepangre 19:3 ပူးပေါင်းရင်းမြစ်များ

1. Mose 34:3

Un job kamas lat o djijestar un rakras latche labentsa ap late.

1. Mose 50:21

Ma darenn! Me dikau ap tumende un tumare tchawende.” Jaake rakras job latche labentsa ap lengre djia.

Jeremia 3:1

O baro Dewel penas: Te bitchras i mursh peskri romjat krik, un joi djal pash i wawar mursheste, nai lell job lat gar pale. Palle wals ko them pale-tchiddo. Tu dal tut trujel budentsa, un kameh pale pash mande te well?

Hosea 2:14

Me krau lakre drakengre ruka paash, ninna lakre faigetikre ruka, kolendar joi penas: “Kolentsa plaissran man mire pirne.” Me krau i diwjo weesh dran lende. Un kol rukengre, hoi pral atchenn, chan i diwje vieche.

Hosea 2:16

Doleske dik, me kamau lat te tserdell, un kamau lat an o mulo tato them te anell. Un kote rakrau kamles lah.

3. Mose 19:17

Te choiral tut pral jekeste tire menshendar, ma hidje tiri choli tuha trujel. Pen leske, hoi lo gar mishto kras, te aness kek doosh ap tute.

3. Mose 20:10

Te sowell jek i romjah i wawarestar, hunte wenn kol dui maredo.

4. Mose 22:22

Koi was o Dewel chojedo koi pral, kai job lentsa djas. Un o bolepaskro o baro Deblestar djas leske an o drom, te rikrell lo les pale. Un o Bileam his beshdo ap peskri burika. Un dui budepangre djan leha.

Mateo 1:19

O Josef his i latcho mursh. Un job kamas kek ladj ap late anell. Doleske kamas lo lat tchorchanes te mukell.

Johanni 8:11

“Na-a, miro rai, kek hi koi,” penas koi romni. Penas o Jesus: “Jaake kamau me witar gar, te less i phagi. Dja khere, un ma an buder kek doosh ap tute!”

Galatarja 6:1

Mire phrala, nai well, kai krell jek tumendar i tchilatcho koowa. Anenn kol menshes pale ap o tchatcho drom! Rakrenn leha latches! Jaake sikrenn tumer, kai djiwenn jaake, har o Debleskro Ducho kowa kamella. Denn jak ap tumende, te perenn tumer gar ninna o Debleskro dromestar tele!

Čačepangre 15:1

Pal i tsiro, an kol diwessa, kai anan le o djob dren, djas o Simson pash o kheer, kai leskri romni hi, un anas lake i terni busni peha. Un job penas: “Me kamau pash miri romjate an lakri isema.” Un lakro dad mukas les gar,

Čačepangre 19:2

His i diwes, kai mukas li peskro romes, un nashas lestar pash peskro dadeste an o foro Betlehem an o them Juda, un his kote star tchonna.

Čačepangre 19:26

Un joi was un peras tele glan o wudar, kai lakro rai his. Un joi his koi tchiddo, bis o kham pre djas.

Čačepangre 19:4

un kamas gar te djal lo sik pale, un rikras les triin diwessa pash peste. Un jon chan un pijan, un atchan kote pral i rat.