Čačepangre 19:2 - O Debleskro Drom 2021 (Sinte)

² His i diwes, kai mukas li peskro romes, un nashas lestar pash peskro dadeste an o foro Betlehem an o them Juda, un his kote star tchonna.

O Debleskro Lab 2024 (Sinte-Manouche)

² His i dives, kay moukas li peskro romes, oun nashas lestar pash peskro dadeste an o foro Betlehem an o them Youda, oun his kote star čonna.

Čačepangre 19:2 ပူးပေါင်းရင်းမြစ်များ

Ezekiel 16:28

Tu lal gar doha, un lubral kolentsa dran o them Assur trujel. Un ninna kowa his tuke gar doha.

3. Mose 21:9

Te well i rashajeskri tchai i lubni, anell i bari ladj ap peste un peskro dadeste. Joi well an i jag chatchedo.

5. Mose 22:21

palle hunte well li win anlo glan o kheer lakro dadestar. Un i mursha dran ko foro witsrenn barra ap late, bis te muli hi li. Joi kras i wi-ladjedo koowa mank i Israelitarja, har lubras li trujel an peskro dadeskro kheer. Jaake tchiwenn tumer o tchilatchepen mank tumende win.

Čačepangre 17:7

An ko tsiro djiwas i terno mursh i menshendar Juda an o foro Betlehem an o them Juda. Un kowa his i Levitari.

Čačepangre 19:1

An ko tsiro kai kek baro rai an o Israel das, djiwas dur palla an i berge Efrajim i Levitari. Kowa his romedino un las peske i duiti djuwel koi pashel. Koja was dran Betlehem an Juda.

Čačepangre 19:3

Un kote kras pes lakro rom ap o drom, un djas lake palla, te rakrell lo lake an o dji, un lell lat pale pale pash peste. Un les his peskro budepaskres un dui esle pash peste. Un joi anas les an o peskro dadeskro kheer. Un har lakro dad les dikas, djas lo bachteles pash leste,