Čačepangre 19:1 - O Debleskro Drom 2021 (Sinte)1 An ko tsiro kai kek baro rai an o Israel das, djiwas dur palla an i berge Efrajim i Levitari. Kowa his romedino un las peske i duiti djuwel koi pashel. Koja was dran Betlehem an Juda. အခန်းကိုကြည့်ပါ။O Debleskro Lab 2024 (Sinte-Manouche)1 An ko tsiro kay kek baro ray an o Israel das, djivas dour palla an i berge Efrayim i Levitari. Kova his romedino oun las peske i douyti djouvel koy pashel. Koya vas dran Betlehem an Youda. အခန်းကိုကြည့်ပါ။ |
Har o baro rai David khere was an o foro Jerusalem, las job peskre deesh wawar djuwjen, kai mukas lo koi, te denn le garda ap o kheer, un anas len an i wawar kheer, hoi pandlo hi. Un job dikas, te djal lenge mishto. Dren pash lende djas lo gar. Jaake his jon dren klidedo, bis te jon meran, un djiwan har djuwja, kolengro rom meras.
Ap i rat djas li dren un taissarlake djas li palle an i wawar djuwjengro kheer, tel i wasta ko pralstunestar, kai kharas Shaashgas. Kowa das ap kol djuwjende jak, kai o baro rajeskre wawar djuwja his. Un kek kol djuwjendar was i duito kopo pash o baro rajeste, kokres kolla, kai his shukar an leskre jaka, un kolen job mukas pash pengro lab te kharell.