Čačepangre 18:2 - O Debleskro Drom 2021 (Sinte)

² Un i mursha dran o kheer Dan rodan pantch murshen pengre menshendar win, tchatche murshen dran i forja Zora un Eshtaol, un bitchran len, te dikenn le pen an o tselo them trujel un rodenn, kai le nai atchens. Un jon penan ap lende: “Djan koi, rodenn an o tselo them, kai nai atchah.” Un jon wan an i berge Efrajim an o kheer, kai o Micha djiwell, un jon atchan kote pral i rat.

O Debleskro Lab 2024 (Sinte-Manouche)

² Oun i morsha dran o kheer Dan rodan panč morshen pengre menshendar vin, čače morshen dran i forya Zora oun Eshtaol, oun bičran len, te dikenn le pen an o tselo them trouyel oun rodenn, kay le nay ačens. Oun yon penan ap lende: “Djan koy, rodenn an o tselo them, kay nay ačah.” Oun yon van an i berge Efrayim an o kheer, kay o Mika djivell, oun yon ačan kote pral i rat.

Čačepangre 18:2 ပူးပေါင်းရင်းမြစ်များ

1. Mose 42:9

Un kowa, hoi job lendar suni das, was an leskro shero. Un job penas ap lende: “Tumer han phukepangre un kamenn te dikenn, har sorelo o them hi. Dran kowa han tumer kai.”

Gosewe laba 20:18

Rake i wawarentsa pral kowa, hoi tuke glan lal, te well kowa mishto. Kowa hunte kress, hoi tut ninna glan hi, har bud budeder te kameh i kurepen te krell.

4. Mose 13:17

Un o Mose bitchras len, te hatsenn le win har ko them Kanaan hi. Un job penas ap lende: “Djan koi pre an o mulo tato them Negev, un palle djan ap o pralstuno them!

Louka 14:31

Te kamell i baro rai an o kurepen te djal i wawar baro rajeha, hunte putchell lo pestar: Hom me sorelo doha mire deesh serja lurdentsa, te kurap man ko wawar baro rajeha, kai biish serja lurde pash leste hi?

Josua 15:33

An o telstuno them his i forja: Eshtaol, Zora, Ashna

Josua 19:41

Un an kau them his kal forja: Zora, Eshtaol, Ir-Shemesh,

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 2:2

An kai rat was o baro rajeske pral o foro Jericho penlo: “Shun, an kaja rat wan mursha kol menshendar Israel an o foro, te dikenn le tchorchanes, har sorelo maro them hi.”

Čačepangre 13:2

An ko tsiro djiwas i mursh an o foro Zora. Kowa his dran o kheer Dan. Koleskro lab his Manoach. Un leskri romni nai las kek tchawen.

Čačepangre 13:25

Un o ducho o baro Deblestar was ap leste o ersto kopo, har his lo ap i platsa Machaneh-Dan mashkral i forja Zora un Eshtaol.

Čačepangre 16:31

Un leskre phrala un i tsele mursha dran leskro dadeskro kheer wan koi tele, un hadan les pre un anan les pre un paskran les an o mulengro kheer peskro dadestar Manoach, hoi tchiddo hi mashkral i forja Zora un Eshtaol. O Simson his biish bersha o tchatchepaskro rai pral o Israel.

Čačepangre 17:1

Un kote his i mursh ap i berge Efrajim, koleskro lab his Micha.

Čačepangre 18:11

Koi djan shob-sheel Danarja dran Zora un Eshtaol an o kurepen. Un hakenes lendar his leskro charo trul peste pandlo.

Čačepangre 18:13

Un kotar djan le dureder ap i berge Efrajim un wan pash o kheer, kai o Micha djiwas.

Čačepangre 18:3

Un har le kote his, peras lenge pre hawo rakepen ko terno mursh rakras, ko Levitari. Un jon djan pash leste un putchan lestar: “Koon anas tut kai? Hoi kreh tu kate? Un hoi hi tut kolestar?”

Čačepangre 18:8

Un kol pantch bitchepangre djan pale pash pengre phralende an i forja Zora un Eshtaol. Un lengre phrala putchan len: “Hoi hatsan?”

Čačepangre 19:1

An ko tsiro kai kek baro rai an o Israel das, djiwas dur palla an i berge Efrajim i Levitari. Kowa his romedino un las peske i duiti djuwel koi pashel. Koja was dran Betlehem an Juda.

Čačepangre 19:18

Un job penas ap leste: “Mer ham ap o drom dran o foro Betlehem an Juda, un kamah dur an i berge Efrajim te djal, kai khere hom. Un me djom tele an o foro Betlehem an o them Juda. Un djau kanna pale an miro kheer. Un kate an kau foro dell kek, kai man an peskro kheer pre lals, na-a, kek.