Čačepangre 17:4 - O Debleskro Drom 2021 (Sinte)

⁴ Job kamas gar un das ko rup peskri date pale pale. Koi las leskri dai 200 (dui-sheel) rupene lowe, un das len ko murshes, kai shukar koowa dran sonakai krella. Un kowa kras i kashteni figura, un tchoras rup pral kolate. Un koi figura was tchiddo an o Michaeskro kheer.

O Debleskro Lab 2024 (Sinte-Manouche)

⁴ Yob kamas gar oun das ko roup peskri date pale pale. Koy las leskri day 200 (douy-sheel) roupene love, oun das len ko morshes, kay shoukar koova dran sonakay krella. Oun kova kras i kashteni figura, oun čoras roup pral kolate. Oun koy figura vas čiddo an o Mikaeskro kheer.

Čačepangre 17:4 ပူးပေါင်းရင်းမြစ်များ

Jesaja 30:22

Palle dikenn tumer ap tumare rupene un sonakangre figure har ap tchomone, hoi pale-tchiddo hi. ‘Krik kolentsa’ penenn tumer un witsrenn len krik har tchik.

Jesaja 44:13

Un ko budepaskro, kai o kashteha budrell, lell i kotar kasht, dikell pal, har baro kowa hi, un tchinell glan, hoi lo i tchurjeha palle win tchinell. Un job krell dran ko kasht i figura, te well li tardo an i kheer. Koi figura dikell win har i mensho, awa, har i shukar mensho.

Habakuk 2:18

Hoi well tuke palle ap i rig? I figura dran kasht un saster, hoi i mursh peskre wastentsa kras? Kowa hi chochepen! Har nai patsell jek ap i dewel, hoi nai rakrell gar, un koles job peskre wastentsa kras?

5. Mose 27:15

“Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!

Čačepangre 17:3

Un job das kol 1.100 (jek-sero-jek-sheel) rupene lowe peskri date pale pale. Un leskri dai penas: “Me dau ko rup o baro Debleste, te well kek bibacht ap tute, miro tchaweste. Kol lowentsa te well i kashteni figura kerdo, pral kolate rup tchoredo hi.”

Čačepangre 17:5

Ko murshes Micha his i debleskro kheer peske un peskri familjake. Un job kras i rashajeskri damdira un khereskre debla, un rodas jek peskre tchawendar win, te well lo leskro rashai.