Čačepangre 12:8 - O Debleskro Drom 2021 (Sinte)

⁸ Un pal leste was o Ibzan dran Betlehem o tchatchepaskro rai pral o Israel.

O Debleskro Lab 2024 (Sinte-Manouche)

⁸ Oun pal leste vas o Ibzan dran Betlehem o čačepaskro ray pral o Israel.

Čačepangre 12:8 ပူးပေါင်းရင်းမြစ်များ

1. Mose 15:19

Un kolla, kai an kau them khere hi, dau me an tiro wast: i Kenarja, i Kenasarja, i Kadmonarja,

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Mateo 2:1

Ap ko tsiro, har was o Jesus an o foro Betlehem an o them Judea boldo, his o Herodes o baro rai pral o them. Koi wan gosewe mursha dran o them, kai o kham pre djala, un djan an o foro Jerusalem. Jon putchan i menshendar an o foro Jerusalem:

Josua 19:15

Koi pashel las o kheer Sebulon 12 (deesh-te-dui) forja un lengre gaba. Kal forja his: Kattat, Nahalal, Shimron, Jidala un Betlehem.

Čačepangre 10:1

Un pal o Abimelech stas i mursh pre, te lell lo o Israel win dran i tchilatche wasta. Kowa his o Tola. Leskro dad his o Puwa, un koleskro dad his o Dodo i menshendar Issachar. O Tola djiwas an o foro Shamir an i berge Efrajim.

Čačepangre 12:7

Un o Jefta dran Gilead his shob bersha o tchatchepaskro rai pral o Israel. Un job meras un was paskedo an jek kol forjendar an o them Gilead.

Čačepangre 12:9

Un koles his trijanda mursh tchawe un trijanda tcha. Peskre tchen das lo romende, kai gar leskre menshendar his. Un leskre mursh tchawenge las lo trijanda romjen, kai ninna gar leskre menshendar his. Un efta bersha his job o tchatchepaskro rai pral Israel.

Čačepangre 17:7

An ko tsiro djiwas i terno mursh i menshendar Juda an o foro Betlehem an o them Juda. Un kowa his i Levitari.

Čačepangre 19:1

An ko tsiro kai kek baro rai an o Israel das, djiwas dur palla an i berge Efrajim i Levitari. Kowa his romedino un las peske i duiti djuwel koi pashel. Koja was dran Betlehem an Juda.

1. Samuel 16:1

Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”