Čačepangre 12:6 - O Debleskro Drom 2021 (Sinte)

⁶ palle penan le ap leste: “Pen Shibbolet!” Un te nai rakras lo les gar tchatches win un penas “Sibbolet”, palle lan le les, un dan les kote pash o Jordan mulo. Un jaake wan an ko tsiro 42.000 (star-deesh-te-dui serja) mursha dran Efrajim mulo dino.

O Debleskro Lab 2024 (Sinte-Manouche)

⁶ palle penan le ap leste: “Pen Shibbolet!” Oun te nay rakras lo les gar čačes vin oun penas “Sibbolet”, palle lan le les, oun dan les kote pash o Yordan moulo. Oun yaake van an ko tsiro 42.000 (star-deesh-te-douy zerya) morsha dran Efrayim moulo dino.

Čačepangre 12:6 ပူးပေါင်းရင်းမြစ်များ

Debleskri gili 69:15

Le man win dran kai sapeni tchik, te tassap gar dren, Le man win dran i wasta kolendar, kai kamenn man te marell! Tserde man win dran o pani, kai hi man buder kek phub tel i herja,

Debleskri gili 69:2

Le man win, mo Dewel! O pani djal mange bis pash i meen.

Gosewe laba 17:14

Muk tele o tchingepah jaake rah har lo gomme tikno hi! Tchingepen hi har pani, hoi dran i phub win phagell. Muk tele glan kowa job sorleder well!

Gosewe laba 18:19

I phraal, kai dukedo was an peskro dji, mukell gar peha te rakrell, un hi pandlo har i foro, kai hi i soreli massuri trul leste. Un o tchingepen hi har ko kashteskro, hoi o foreskro wudar pandell.

Sikepaskro 10:12

O rakepen hoi dran o goseweskro mui win wella, anell leske an-dikepen, o dineleskro rakepen chal les pre.

Jesaja 27:12

I tsiro wella, kai lell o baro Dewel peskre menshen khetne dran o tselo them mank o pani Eufrat un o them Egiptia. Job rodell len win har jek o tikno djob win rodell dran o phuss, jek pal o wawar.

Mateo 12:25

O Jesus haiwas, hoi an lengro shero trujel djas. Un job penas ap lende: Hako them un hako foro djal paash, kai dui bare raja kurenn pen. Un an jek kheer nashte wenn gar dujen penepaske. Kowa djal gar.

Mateo 26:73

Un pal i tikno tsiro wan kolla pash o Petreste, kai kote tardo hi, un penan ap leste: “Tchatchepah, tu hal ninna jek kolendar. Tiro rakepen phukrell ap tute.”

Markus 14:70

Un job penas pale: “Na-a, me hom kek lendar!” Pal i tikno tsiro penan kolla, kai kote tardo hi, pale ap o Petreste: “Tchatchepah, tu hal ninna jek kolendar. Tu hal dran o them Galilea.”

Galatarja 5:15

Te dandrenn tumer tumen har midjak djukle, denn jak, te chal jek kol wawares gar pre!

Čačepangre 12:5

Un i mursha dran Gilead lan kol platse dren, kai nai djan le wergel o Jordan an o them Efrajim. Un hako kopo te was i Efrajimari, hoi ap o naashepen his, un penas “Muk man wergel te djal!” palle putchan i mursha dran Gilead lestar: “Hal tu i Efrajimari?” Un te penas lo “na-a”,

Čačepangre 12:7

Un o Jefta dran Gilead his shob bersha o tchatchepaskro rai pral o Israel. Un job meras un was paskedo an jek kol forjendar an o them Gilead.