Čačepangre 12:3 - O Debleskro Drom 2021 (Sinte)

³ Un har dikom, te wenn tumer gar, kote hunte dom kokres ap mande jak un djom koi, te kurap man lentsa. Un o baro Dewel das len an miro wast. Un hoske djan tumer kau diwes pash mande pre, te marenn tumen mantsa?”

O Debleskro Lab 2024 (Sinte-Manouche)

³ Oun har dikom, te venn t'mer gar, kote hounte dom kokres ap mande yak oun djom koy, te kourap man lentsa. Oun o baro Devel das len an miro vast. Oun hoske djan t'mer kava dives pash mande pre, te marenn t'men mantsa?”

Čačepangre 12:3 ပူးပေါင်းရင်းမြစ်များ

2. Familjakro liil 13:12

Dikenn, mentsa hi o Dewel un djal glan mende. Ninna leskre rashaja hi kate, te phurdenn le an i phurdepangre un denn men o sikepen, te djas mer an o kurepen tumentsa. Tumer Israelitarja, ma kurenn tumen o baro Debleha, kai o Dewel tumare phurendar hi! Tumenge djal kowa gar mishto win!”

Hiob 13:14

Hoske rikrap ap miro djipen? Me dau gar jak ap miro djipen.

Debleskri gili 119:109

Miro djipen hi hako tsiro gar dur o merepastar. Tiro drom bistrau me gar.

Remarja 16:4

Har kaman man i menshe te marell, wan le ap miri rig. Lengro djipen his lenge tchi moldo. Pash lende parkrau man gar kokres, na-a, ninna i tsele patsle, kai kek bibolde hi, parkrenn pen pash lende.

Debleskro tsiro 12:11

Mare phrala his sorleder har ko phukepaskro. O terno bakro, hoi maredo was, kowa thowas lengri doosh peskro rateha tele. Mare phrala sikran i menshende o tchatcho drom pash o Debleste, ninna te wan le doleske maredo.

Čačepangre 11:27

Na-a, me krom kek tchilatchepen ap tute. Tu kameh mange tchilatchepen. Tu weh te maras men! O baro Dewel, kai o tchatchepaskro rai hi, kau diwes mu krell lo o tchatchepen mank mende win, mank o Israel un i Ammonarja!”

Čačepangre 12:2

Kote penas o Jefta ap lende: “Men his i pharo kurepen i Ammonentsa, man un mire menshen, un me mukom tumen gole te dell. Un tumer wan gar ap miri rig.

Čačepangre 12:4

Un o Jefta mukas i murshen dran Gilead khetne te well. Un jon maran pen i murshentsa dran Efrajim. Un i mursha dran Gilead dan i murshen dran Efrajim. [Glan i tsiro penan i mursha dran Efrajim: Tumer dran Gilead han tchi har naashepangre, kai nashan penge dran o them Efrajim an o them Manasse. Tumaro them Gilead hi tchiddo mashkral Efrajim un Manasse.]

Čačepangre 9:17

Miro dad djas tumenge an o kurepen, kai nai wals lo maredo, un las tumen win dran i wasta kolendar dran Midian.

1. Samuel 19:5

Job dikas gar ap peskro djipen, har djas lo koi un kuras pes o Filistareha un das les mulo. Jaake te las o baro Dewel o tselo Israel dran i wasta i Filistarendar. Un tu dikal kowa un hals bachtelo. Hoske kameh tu doosh ap tute te anell un i rat jekestar, koles kek doosh ap peste hi? Hoske kameh tu o Davides mulo te dell tchitcheske?”

1. Samuel 28:21

Un koi djuwel djas pash o Saul, un har joi dikas, har djungeles leske djala, penas li ap leste: “Dik, me, tiri budepaskretsa, shunom ap tute, un dom miro djipen an tire wasta, har shunom, hoi mandar kamal.