Čačepangre 11:34 - O Debleskro Drom 2021 (Sinte)

³⁴ Un o Jefta was pale an Mizpa pash peskro kheer. Un kote was leskri tchai win, un was bashepah un khelepah pash leste. Joi his lauter, hoi les his. Les his kek wawar tchai, witar kek wawar tchawo.

O Debleskro Lab 2024 (Sinte-Manouche)

³⁴ Oun o Yefta vas pale an Mispa pash peskro kheer. Oun kote vas leskri čay vin, oun vas bashepah oun khelepah pash leste. Yoy his lauter, hoy les his. Les his kek vavar čay, vitar kek vavar čavo.

Čačepangre 11:34 ပူးပေါင်းရင်းမြစ်များ

2. Samuel 6:14

O David khelas peskri tseli sorjah glan o baro Debleste. Un trul leste his les i rashajeskri laintikri damdira.

Debleskri gili 150:4

Sharenn les o bashepah ap i pauke, un khelenn leske! Sharenn les o bashepah ap i dorjengre bashepangre un tikne phurdepangre!

Debleskri gili 68:25

Miro Dewel, tu hal miro baro rai. Halauter dikenn har tu weh an tiri soor, un dren djah an tiro Debleskro kheer.

2. Mose 15:20

Un i Mirjam, o Aroneskri pheen, his i Debleskri rakepaskretsa. Un joi las peskri bashepaskri, hoi kharella pauka, an o wast, un i tsele djuwja lan ninna pengre bashepangre, un djan lake palla, un bashran un khelan.

Jeremia 31:13

I terne tcha giwenn un khelenn, awa, i terne un i phure hi khetne bachtelo; lengro ropastar well sapen. Lengre djia, kai rowan, krau pale sorelo un bachtelo.

Jeremia 31:4

Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

Louka 7:12

Un jon wan pash o baro wudar kau forestar. Un i menshe hidjran i mules dran o foro win. Kowa his o tchawo i djuwjatar, kolakro rom meras. Un lat his ninna kek wawar tchawe. Un bud menshe djan lah.

Louka 8:42

Leskri tchai, kai his deesh-te-dui bersha phuro, his ap o merepen tchiddo. Un les his kek wawar tchawe har koja. Un o Jesus kamas leha te djal. Un bud menshe his trul leste un djan lentsa.

Louka 9:38

Mashkral lende his i mursh, kai das bari gole: “Sikepaskro, me mangau tut: Dik ap miro tchaweste! Man hi kokres kau tchawo, kek wawar.

Josua 18:26

Mizpe, Kefira, Moza,

Čačepangre 10:17

Un i Ammonarja wan khetne gole dino, un tchiwan pengre plachtene khera pre pash o foro Gilead. Un i Israelitarja wan khetne pash Mizpa.

Čačepangre 11:11

Kote djas o Jefta i phurentsa, kai wan dran Gilead. Un i tsele menshe tchiwan les pral pende, te well lo lengro rai un pralstuno. Un kote an o foro Mizpa penas o Jefta lenge glan o baro Debleste, hoi job un i pralstune win kran.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.

Čačepangre 21:21

Te dikenn tumer, te wenn i terne tcha dran Shilo khelepah un gipah win dran o foro, palle stenn dran tumaro khatepen win! Un hakeno tumendar taprell peske jek terni tchai, te romedinerell lo lat. Un khetne lah djal lo khere an o them Benjamin.