Čačepangre 10:17 - O Debleskro Drom 2021 (Sinte)

¹⁷ Un i Ammonarja wan khetne gole dino, un tchiwan pengre plachtene khera pre pash o foro Gilead. Un i Israelitarja wan khetne pash Mizpa.

O Debleskro Lab 2024 (Sinte-Manouche)

¹⁷ Oun i Ammonarya van khetne gole dino, oun čivan pengre plarhtene khera pre pash o foro Gilead. Oun i Israelitarya van khetne pash Mispa.

Čačepangre 10:17 ပူးပေါင်းရင်းမြစ်များ

1. Mose 31:49

Doleske wenn le ‘Gal-Ed’ kharedo, ninna ‘Mizpa’. O Laban penas: “O baro Dewel mu dell jak, te rikras men ap kowa an ko tsiro, kai wella, kai ham buder gar khetne.

Josua 13:26

Lengro them his ko kotar them, hoi gomme pral atchas ko themestar, pral koleste o Sihon o rai his – kowa kai djiwas an o foro Heshbon. Kau them djas fun o foro Heshbon bis pash i forja Ramat-Mizpe un Betonim, un fun o foro Mahanajim bis pash o them Debir. Koi pashel hi koi tala ap koi rig o panjestar Jordan, kai o kham pre djal, bis pash o pani Kinneret. Kote his kol forja tchiddo: Bet-Haram, un Bet-Nimra, un Sukkot un Zafon.

Čačepangre 10:18

Un i pralstune pral kol Israelitarja, kai djiwenn an Gilead, penan jek ap o wawareste: “Koon hi ko mursh, kai glan win djal, te marell lo pes i lurdentsa dran o them Ammon? Kowa te well o pralstuno pral lauterende, kai djiwenn an Gilead.”

Čačepangre 11:11

Kote djas o Jefta i phurentsa, kai wan dran Gilead. Un i tsele menshe tchiwan les pral pende, te well lo lengro rai un pralstuno. Un kote an o foro Mizpa penas o Jefta lenge glan o baro Debleste, hoi job un i pralstune win kran.

Čačepangre 11:29

Kote was o ducho o baro Deblestar pral o Jefta. Un job djas an o tselo them Gilead un Manasse trujel un was pale an o foro Mizpe an Gilead. Un kotar djas lo an o kurepen, te kurell lo pes i lurdentsa dran o them Ammon.

Čačepangre 11:34

Un o Jefta was pale an Mizpa pash peskro kheer. Un kote was leskri tchai win, un was bashepah un khelepah pash leste. Joi his lauter, hoi les his. Les his kek wawar tchai, witar kek wawar tchawo.

Čačepangre 11:4

Un pal i tsiro djan i Ammonarja ap i Israelende pre.

Čačepangre 11:6

Un jon penan ap leste: “Ab mentsa, un ab tu maro kurepaskro rai, te nai maras men i Ammonentsa!”

1. Samuel 7:5

Un o Samuel das i tsele murshen an Israel khetne gole an Mizpa, te mangas lo lenge o baro Deblestar.