Čačepangre 1:7 - O Debleskro Drom 2021 (Sinte)

⁷ Koi penas o Adoni-Besek: “Efta-deesh bare rajenge mukom i pesse gushte lengre wastendar tele te dell un ninna i bare gushte lengre pirendar. Un jon hunte chan, hoi miri chapaskri tele peras. Un jaake har me les lentsa krom, jaake das les man o Dewel pale.” Un jon anan les an o foro Jerusalem. Un kote meras lo.

O Debleskro Lab 2024 (Sinte-Manouche)

⁷ Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.

Čačepangre 1:7 ပူးပေါင်းရင်းမြစ်များ

1. Rajengro liil 21:19

Rake leha un pen leske, hoi me, o baro Dewel, leske penau: ‘Hi kowa gar doha, te maral i murshes? Hunte tchoress tu kanna leskro kotar them? Me, o baro Dewel, penau tuke: Ap ko kotar phub, kai i djukle pijan o rat o murshestar Nabot, kote pijenn i djukle tiro rat ninna.’”

2. Mose 29:20

Palle mare les, le leskro ratestar un tchip les tella ap o Aroneskro tchatcho kand, ninna ap i tchatche kanda leskre tchawenge! Ninna ap o pesso gushto ap lengro tchatcho wast, un ap o baro tsebo ap lengro tchatcho piro tchiwess tu o rat. O tselo wawar rat tchoress tu trul o Debleskri chatchepaskri win.

Jesaja 33:1

Djungeles djal tuke, kai tu lauter khetne dal, un kokres wal gar khetne dino. Djungeles djal tuke, tu phukepaskro, ap koleste kek phukras. Pal kowa, kai dal halauter khetne, weh tu ninna khetne dino. Pal kowa, kai phukral ap hakeneste, phukrenn le ap tute ninna.

Zefanja 3:19

O tsiro wella, kai dau i phagi halauterenge, kai tumen tele rikran, un wau kolenge tumendar ap i rig, kai dukedo hi. Un anau kolen khere, kai win tradedo wan. Un krau, te wenn le sharedo un hadedo an i tsele themma, kai i menshe rikrenn kanna tchi lendar.

Remarja 2:15

Jaake dikah, an lengre djia hi tchinlo, hoi o Dewel kamella. Te kran le o tchilatcho koowa, penell lenge lengro dji: Kowa his gar mishto, hoi kral. Te kran le latcho koowa, penell lenge lengro dji: Kowa his mishto, hoi kral.

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.

Debleskro tsiro 13:10

Koon stildo hunte well, kowa well stildo. Koon o chareha maredo hunte well, kowa well o chareha maredo. Doleske hunte wenn o Debleskre menshe soreles tardo an o patsepen, te denn le gar pre.

Debleskro tsiro 16:6

Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”

Čačepangre 1:6

Un o Adoni-Besek nashas peske. Un jon lan les palla, un tapran les, un dan leske i pesse gushte leskre wastendar un i bare tsebe leskre pirendar tele.

Čačepangre 9:24

Jaake te well ko tchilatchepen ap leste pale, hoi job ap kol efta-deesh tchawende peskro dadestar Gideon kras. Un lengro rat te well ap lengro phraleste Abimelech, kai len temerl das, un ap kolende, kai an o foro Sichem djiwan un leskre wasta soreles kran.

Čačepangre 9:57

Un ninna o tchilatchepen, hoi i mursha dran o foro Sichem kran, mukas o Dewel ap lengre shere pale te well. Un jaake was koi bibacht pral lende, hoi o Jotam win rakras, koleskro dad o Gideon hi.

1. Samuel 15:33

O Samuel penas: “Har tiro charo i djuwjenge lengre tchawen maras, jaake well kowa, te hi tiri dat gomme kek tchawo buder.” Un o Samuel das o Agag an kotja, glan o baro Debleste an o foro Gilgal.