Čačepangre 1:18 - O Debleskro Drom 2021 (Sinte)

¹⁸ Un o Juda las ninna i forja Gaza, Ashkelon un Ekron dren un o them, hoi koi pashel his.

O Debleskro Lab 2024 (Sinte-Manouche)

¹⁸ Oun o Youda las ninna i forya Gaza, Ashkelon oun Ekron dren oun o them, hoy koy pashel his.

Čačepangre 1:18 ပူးပေါင်းရင်းမြစ်များ

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

Jeremia 25:20

un wi-themarja an o them Egiptia; i tsele bare raja an o them Uz; i tsele raja an kol Filistarengre forja Ashkelon, Gaza, Ekron un kolla, kai pral atchan an Ashdod;

Jeremia 47:5

Pral o foro Gaza well o ropen, un o foro Ashkelon well khetne dino. Tumer, kai atchan pral o menshendar Anak, har rah kamenn tumen an o mass te tchinell?

5. Mose 2:23

Un an i gaba pash o Mashkralstuno Baro Pani djiwan menshe, kai his kharedo Awarja. Pral lende wan Filistarja dran Kreta, un dan len mulo, un lan lengro them bis pash o foro Gaza. Un djiwan palle kote.

Josua 11:22

Kek Anakari atchas pral an o tselo them Israel. Kokres an i forja Gaza, Gat un Ashdod atchan lendar djides.

Josua 13:3

un ko them, kai i Kanaanitarja djiwenn, mank o pani Shihor, hoi glan o them Egiptia nashell, un o foro Ekron, kai kote tchiddo hi, kai norden hi; un kol pantch forja, pral kolende pantch Filistarja i raja hi: Gaza, Ashdod, Ashkelon, Gat un Ekron; koi pashel ko them, kote kai o kham pralstunes hi, un kai i Awarja djiwenn;

Josua 15:11

un palle dureder ap i tikni berga, hoi ap i nordetikri rig o forestar Ekron hi, un dureder pash o foro Shikkaron un dureder pash i berga Baala, un dureder bis pash o foro Jabneel un pash o Baro Pani.

Čačepangre 14:19

Un o baro Debleskro ducho was pral leste. Un job djas tele an o foro Ashkelon un das trijanda murshen lendar mulo, un riwas len win, un das kol koola kolen, kai leske penan, hoi peskre laba kaman te penell. Un bari choljah djas lo pale an peskro dadeskro kheer.

Čačepangre 16:21

Un i Filistarja tapran les, un dan leske i jaka win tchurje. Un jon anan les tele an o foro Gaza un pandan les sasterne shellentsa. Un an o stilepen hunte kras lo o djob tiknes an i djobeskri.

Čačepangre 3:3

I pantch raja pral i Filistarja, i tsele Kanaanitarja un i Sidonarja un i Hiwarja, kai ap i berge Libanon djiwan mank i berga Baal-Hermon un Lebo-Hamat.

1. Samuel 6:17

Kowa hi, hoi i Filistarja o baro Debleste dan, te well lauter pale mishto mank leste un lende: pantch sonakangre figure, hoi win dikan har o dukepen ap lengro mass: Jek figura hako foreske: Ashdod, Gaza, Ashkelon, Gat un Ekron.