Bičepangre 9:35 - O Debleskro Drom 2021 (Sinte)

³⁵ Koi dikan le les lauter, kai an i forja Lidda un Saron djiwenna. Un jon dan pengro djipen o Jesuseste, maro rajeste.

O Debleskro Lab 2024 (Sinte-Manouche)

³⁵ Koy dikan le les lauter, kay an i forya Lidda oun Saron djivenna. Oun yon dan pengro djipen o Yezouseste, maro rayeste.

Bičepangre 9:35 ပူးပေါင်းရင်းမြစ်များ

1. Familjakro liil 27:29

O pralstuno pral i grumjende an o them Sharon his o Shitrai, kai dran o them Sharon his. O pralstuno pral i grumjende an i telstune themma his o Shafat, koleskro dad o Adlai his.

1. Familjakro liil 5:16

Kal menshe djiwan an Gilead, an o them Bashan un an kol forja, kai kote his, un ap kol tsele platse, kai lengre vieche his an o tselo them Sharon bis ap leskre rigja.

1. Familjakro liil 8:12

O Elpaal, leskre tchawe his: o Eber, o Misham, un o Shemed, kowa tchiwas i forja Ono un Lod pre, un kol gaba trujel.

Esra 2:33

dran i forja Lod un Hadid un Ono: 725 (efta-sheel-te-biish-te-pantch);

Nehemia 11:35

Lod, Ono un an koi tala, kai djiwenn kolla, kai budrenn i kashteha.

Nehemia 7:37

dran i forja Lod un Hadid un Ono: 721 (efta-sheel-te-biish-te-jek);

Debleskri gili 110:3

Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

Jesaja 31:6

Tumer Israelitarja, rissrenn trujel pash o baro Debleste, kolestar tumer jaake dur tele peran!

Jesaja 33:9

Ninna o them rowell un nashrell peskri soor. I ruka ap i berge Libanon ladjenn pen un merenn tele. O shukar telstuno them Sharon dikell win har i diwjo truk them. Un i ruka ap i berge Bashan un Karmel witsrenn pengre patria tele.

Jesaja 35:2

Shukar har diwje blume well o them, un giwell un dell gole i bachtjatar. O baro Dewel krell les railo har i berge Libanon, un shukar har i berga Karmel un i tala Sharon. Un i menshe dikenn o railepen o baro Deblestar, ko baro koowa, hoi maro Dewel kras.

Jesaja 65:10

Mire menshenge, kai putchenn pal mande, well i tala Sharon koi platsa, kai anenn le pengre bakre, un i tala Achor well koi platsa, kai atchenn pengre grumja.

Jesaja 66:8

Koon shunas sau koowa? Koon dikas sau koowa? Was i them ap jek diwes boldo? Wan lengre menshe ap jek diwes ap i phub? Jaake sik har i Zion duka las, anas li peskre tchawen ap i phub.

Ropaskre gilja 3:40

Dikas ap maro djipen, har mer djiwah, un rissras trujel pash o baro Debleste.

Hosea 12:6

job, o rai pral o bolepen un i phub, leskro lab hi ‘baro Dewel’.

Hosea 14:2

Tu Israel, dja pale pash o baro Debleste, ko tiro Dewel hi! Koi doosh, hoi ap tute anal, mukas tut an i bibacht te perell.

Joel 2:13

Tserdenn tumare djia an kotja un gar tumare ripja!” Un djan pale pash tumaro baro Debleste! Les hi i baro dji, pherdo kamlepen. Job well gar sik chojedo. Leskro latchepen hi baro. Un koi phagi, hoi kamas lo te dell, lell lo pale.

Bičepangre 11:21

Un o rajeskri soor his lentsa. Un bud kolendar, kai kek bibolde hi, wan patslo, un wan ap o Jesuseskro drom.

Bičepangre 15:19

“Doleske penau me” penas o Jakobo, “mer hunte tchiwas gar o biboldengro tchatchepen ap i patslende, kai kek bibolde hi, te krenn le lauter jaake, har i bibolde krenna.

Bičepangre 19:10

Kowa kras job dui bersha, te shunan i bibolde un kolla, kai kek bibolde hi, an o them Asia o Debleskro lab.

Bičepangre 19:20

Jaake shunan bud un budeder o Jesusestar, maro rajestar. Un job kras, te was peskro lab sorelo mank lende.

Bičepangre 2:47

Jon sharan o Debles, un i tsele menshe dikan latches ap lende. Un hako diwes wan wawar menshe koi pashel, hoi patslo wan.

Bičepangre 4:4

Bud kolendar, kai shunan kol laba, hoi o Petro penas, wan patslo. Nai his pantch serja menshe.

Bičepangre 6:7

O Debleskro lab was bud un budeder menshenge penlo, un bud wan patslo. An o foro Jerusalem wan ninna bud rashaja patslo.

Bičepangre 9:34

O Petro penas ap leste: “Aneas, o Jesus Kristo krell tut sasto. Ste pre un kre kokres tiro tchiben!” Koi stas job sik pre.

Bičepangre 9:42

Kowa shunan i tsele menshe an o foro Joppe, un bud wan patslo ap o rai Jesuseste.

2. Korintarja 3:16

Ap ko diwes, kai mukenn i Israelitarja pengro drom un djan ap o Jesuseskro drom, lell job ko diklo lendar krik.

5. Mose 4:30

An ko tsiro, hoi wella, kai ap tumende ko tselo koowa was, hoi tumenge penom, an kol djungele phare diwessa wenn tumer pale pash tumaro baro Debleste, un krenn, hoi job tumenge penell.