Bičepangre 7:42 - O Debleskro Drom 2021 (Sinte)

⁴² O Dewel djas peske lendar un mukas len. Koi mangan jon i momlia an o bolepen an. Jaake was kowa, hoi tchinlo hi an o liil, kai o Debleskre rakepangre tchinan. Kote penell o Dewel: Murshale an Israel, mange chatchran tumer kek viechen, un anan kek chapen glan mande an kol star-deesh bersha, har hans an o mulo them.

O Debleskro Lab 2024 (Sinte-Manouche)

⁴² O Devel djas peske lendar oun moukas len. Koy mangan yon i momlia an o bolepen an. Yaake vas kova, hoy činlo hi an o liil, kay o Debleskre rakepangre činan. Kote penell o Devel: Morshale an Israel, mange rhačran t'mer kek firhen, oun anan kek rhapen glan mande an kol star-deesh bersha, har hans an o moulo them.

Bičepangre 7:42 ပူးပေါင်းရင်းမြစ်များ

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

2. Rajengro liil 21:3

Job tchiwas kol mulne platse pale pre, kai i mule deblenge vieche chatchedo wan. Kol platse das leskro dad, o Hiskija, khetne. Un o Manasse mukas chatchepangre te krell, kai vieche chatchedo wenn o debleske Baal, kai i chocheno dewel hi. Un job kras i debletsa Ashera, har ko baro rai pral o them Israel, o Ahab, kowa ninna kras. Un job mangas i bolepangre momlia an un witsras pes glan lende tele.

Debleskri gili 95:10

Star-deesh bersha was mange djungeles, te dikom ap kol menshende, un penom: “Kalla hi menshe, kai peran ap pengre sherja un djinenn gar, hoi tchatcho hi. Ap miro drom kamenn le gar te djal.”

Jesaja 43:23

Kol bakre, hoi anal, te wenn le chatchedo, his gar mange. Un kol viechentsa, hoi mange maral, sharal man gar. Me krom tuke kek budi i djobeha, hoi mange chatchrals, un krom tut gar khino o sungepaskro koweha, hoi mange chatchrals.

Jesaja 63:10

Ninna te his lo lenge jaake latches, kaman le gar ap leste te shunell, un dukran les an leskro dji. Kote was lo chojedo ap lende, un kuras pes lentsa.

Jesaja 66:4

Doleske hi mange shukar, te anap len an i bibacht. Un anau kowa pral lende, glan leste jon jaake darenna. Me dom ap lende gole, un kek shunas un kek rakras pale. Me dom len trad, un kek das pre jak. Awa, jon kran kowa, hoi an mire jaka tchilatcho hi, un lenge his shukar, te krenn le kowa, hoi an mire jaka djungelo hi.

Jeremia 19:13

Un kol khera an Jerusalem un kol khera kol bare rajendar an o them Juda, kolla wenn ninna pale-tchiddo har koi platsa Tofet, – i tsele khera, kai jon pral pre i tsele bolepangre momelenge sungepaskro koowa chatchran un i wawar chochene deblenge mool win tchoran.

Jeremia 8:2

Un kol kokale wenn koi trujel witsedo glan o kham un o tchon un i tsele bolepangre momlia, kolen kaman kol menshe, un mangan len an, un nashan lenge pal. Kolendar putchan jon un sharan len. Kol kokale wenn gar pre hadedo un wenn gar paskedo. Jon wenn ful i phubjake.

Ezekiel 20:25

Un ninna dom len tchatchepaskre laba, hoi tchi-moldo his, un hoi anan lenge kek djipen.

Ezekiel 20:39

Tumer dran o kheer Israel, shunenn, hoi o baro Dewel, tumaro rai, penell: Krenn, hoi kamenn! Hakeno tumendar nai mangell peskro chocheno debles an! Tchatchepah, pal kowa well ko tsiro, kai shunenn pale ap mande, un anenn buder kek ladj ap mande tumare chochene deblentsa, un koleha, hoi lenge chatchrenn.

Ezekiel 8:16

Un job anas man dren ap koi tikni platsa glan o baro Debleskro kheer. Un glan o wudar o kherestar mashkral i glanstuni halla un i sasterni chatchepaskri his 25 (biish-te-pantch) mursha tardo. Kolla rissran pengre dume khatar o baro Debleskro kheer, un dikan ap koi rig, kai o kham pre djal. Un jon mukan pen ap i phub te perell, un mangan o kham an.

Hosea 4:17

I menshe an o them Efrajim mukan pen chochene deblentsa dren. Mu te krenn le har kamenn le!

Johanni 6:45

An o Debleskro lab tchinan kol Debleskre rakepangre: O Dewel hi o sikepaskro halauterenge. Hakeno, koon ap o dadeste shunella un krell, hoi job kamella, well pash mande.

Bičepangre 13:40

Krenn lauter, te well gar kowa pral tumende, hoi o Debleskre rakepangre an pengre lila penan:

Bičepangre 7:36

Kau Mose anas i Israelitarjen win un kras baro un sorelo koowa an o Debleskri soor an o them Egiptia, un pash o lolo pani, un star-deesh bersha an o mulo them.

5. Mose 17:3

un djal koi un mangell wawar deblen an, un witsrell pes tele glan o kham, o tchon un i bolepangre momlia, un krell jaake sawo koowa, kolestar me penom, te krenn kowa gar,

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.

Hebrearja 3:9

Ninna te dikan le star-deesh bersha, hoi me, o Dewel, lenge krom, patsan le man gar, un mire laba his lenge tchi moldo.

Josua 24:20

Te mukenn tumer o baro Debles, un mangenn wawar deblen an, palle dikell lo buder gar latches ap tumende un sikrell tumenge o dumo, un anell bibacht pral tumende, bis te buder kek tumendar koi hi.”