Bičepangre 4:26 - O Debleskro Drom 2021 (Sinte)

²⁶ I bare raja ap kai phub un i bare pralstune wan lauter khetne. Jon hi chojemen ap o Debleste un ap ko baro rajeste, kones o Dewel bitchras.

O Debleskro Lab 2024 (Sinte-Manouche)

²⁶ I bare raya ap kay phoub oun i bare pralstoune van lauter khetne. Yon hi rhoyemen ap o Debleste oun ap ko baro rayeste, kones o Devel bičras.

Bičepangre 4:26 ပူးပေါင်းရင်းမြစ်များ

Debleskri gili 2:1

I menshe an i wawar themma hi diwjo. Hoi kamenn le? Jon hadenn pen pral o baro Debleste! Hoske? Hoi le krenn, hi tchitcheske!

Debleskri gili 2:2

I bare raja ap kai phub stakrenna pre, un i pralstune beshenn khetne, un krenn win, har nai hadenn le pen pral o baro Debleste un pral koleste, kones job win rodas.

Jesaja 7:7

Kawa penell o baro Dewel, maro rai: Kowa well gar jaake un djal lenge gar!

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Hebrearja 1:9

O tchatchepen kamal tu, un o tchilatchepen dikeh glan i jaka nai gar. Doleske rodas tut tiro Dewel win, te wess tu bareder un bachtleder har kolla, kai pash tute hi.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 12:10

Un me shunom i sorelo rakepen an o bolepen, hoi penas: Kanna las men maro Dewel dran o bengeskro wast win. Maro Dewel sikras peskri soor, un was o rai pral i tsele menshende ap i phub. Un job das peskri tseli soor koles, kai job win rodas, te well lo o baro rai pral halauter. Tele witsedo hi ko phukepaskro, kai anas i doosh ap mare phralende glan o Debleste o diwes un i rati.

Debleskro tsiro 17:17

Kowa das len o Dewel an lengre djia, te krenn jon, hoi job kamella. Doleske rikrenn le lauter khetne, un denn pengri soor ko viecheste. Kowa djala lauter jaake rah, bis te was lauter jaake, har o Dewel penas.