Bičepangre 28:17 - O Debleskro Drom 2021 (Sinte)

¹⁷ Pal triin diwessa das o Paulo kol pralstune bibolden pash peste gole. Har jon lauter khetne his, penas o Paulo ap lende: “Tumer mursha, mire phrala, mare menshenge krom tchi, hoi tchilatcho his. Witar gar rakrom djungeles pral kowa, hoi mare phure menge penan. Un ninna te krom lenge kek tchilatchepen, tchiwan le man stildo an o foro Jerusalem, un dan man an i Remarjengre wasta.

O Debleskro Lab 2024 (Sinte-Manouche)

¹⁷ Pal triin divessa das o Paulo kol pralstoune bibolden pash peste gole. Har yon lauter khetne his, penas o Paulo ap lende: “T'mer morsha, mire phrala, mare menshenge krom či, hoy čilačo his. Vitar gar rakrom djoungeles pral kova, hoy mare phoure menge penan. Oun ninna te krom lenge kek čilačepen, čivan le man stildo an o foro Yerusalem, oun dan man an i Remaryengre vasta.

Bičepangre 28:17 ပူးပေါင်းရင်းမြစ်များ

1. Mose 40:15

Hom tchoredo dran o them, kai djiwenn i Hebrearja. Un kate krom me witar tchi, kai hunte djap an o stilepen.”

Bičepangre 13:50

Koi djan i pralstune bibolde pash kol brawele djuwjende, kai lan i biboldengro patsepen an, ninna pash kol pralstunende an ko foro, rakran lentsa un kran, te wan le chojedo ap o Pauleste un ap o Barnabeste. Un khetne lentsa lan le len palla un tradan len dran ko foro win.

Bičepangre 22:5

Ko baro rashai un kol tsele biboldengre phureder nai penenn, kai kowa tchatcho hi, hoi penau kate. Har kamom an o foro Damaskus te djal, dan man i rashaja lila peha i biboldenge an o foro, te nai pandap ninna kote kolen, kai djan ap ko newo drom, te anap len an o foro Jerusalem, te lenn le kote pengri phagi.

Bičepangre 23:33

Har wan jon an o foro Cesarea, dan le o Felixes ko liil. Un o Paules anan le ninna glan leste.

Bičepangre 25:10

O Paulo penas ap leste: “Me hom kate glan o tchatchepaskro tardo, koles o baro rai an o foro Rom an peskri budi tchiwas. Kote hunte well o tchatchepen pral mande win kerdo. I biboldenge krom kek tchilatcho koowa. Un kowa djineh tu mishto!

Bičepangre 25:2

Kote wan kol bare rashaja un kol pralstune bibolde pash leste, un anan doosh ap o Pauleste pre.

Bičepangre 25:8

O Paulo mukas kowa gar ap peste, un penas: “Me krom tchi, hoi pal o biboldengro tchatchepen tchilatcho hi. Un me krom gar o Debleskro baro kheer praassedo. Un me penom kek tchilatcho koowa pral o baro rajeste an o foro Rom.”

Bičepangre 6:14

Mer shunam, har job penas: O Jesus dran Nazaret phagell o Debleskro baro kheer tele un krella, te hunte rikras mer buder gar ap kowa, hoi o Mose menge penas.”