Bičepangre 27:24 - O Debleskro Drom 2021 (Sinte)

²⁴ Kowa penas ap mande: Ma traash, Paulo! Tu hunte wess glan o baro rajeste an o foro Rom anlo. O Dewel shunas tut: Kek ap kau shiffo merella.

O Debleskro Lab 2024 (Sinte-Manouche)

²⁴ Kova penas ap mande: Ma traash, Paulo! Tou hounte vess glan o baro rayeste an o foro Rom anlo. O Devel shounas tout: Kek ap kava shiffo merella.

Bičepangre 27:24 ပူးပေါင်းရင်းမြစ်များ

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 19:29

Har o Dewel chatchras kol forja an ko them pash o pani Jordan, kai o Lot khere his, bistras job o Abrahames gar un anas o Lotes win dran kol forja.

1. Mose 30:27

Koi penas o Laban ap leste: “Ab mange latcho un atch kai! Haiwau, kai o baro Dewel peskri soor un peskri bacht ap mande tchiwella jaake rah, har tu pash mande hal.

1. Mose 39:23

Jaake rah, har lauter an o Josefeskro wast his, hunte kras o pralstuno pral o stilepen tchi. O baro Dewel his pash o Josefeste un das les bacht an halauter, hoi job kras.

1. Mose 39:5

Ap ko tsiro, har o Egiptari Potifar das peskro kheer un halauter, hoi leskro his, an o Josefeskre wasta, tchiwas o baro Dewel peskri soor un peskri bacht ap i menshende an o Potifareskro kheer. Jaake rah har o Josef koi his, his o baro Debleskri soor un peskri bacht ap halauter, hoi les his an o kheer un ap o them.

1. Mose 46:3

Un o Dewel penas: “Me hom o Dewel, ko Dewel tiro dadestar. Ma traash te djas an o them Egiptia! Koi krau me, te wess o dad i bari natsjona.

1. Rajengro liil 17:13

Kote penas o Elija lake: “Ma traash! Dja koi un kre, har tu penal! De jak, te kress mange i tikno maro, un an les mange win. Un palle kre o maro tuke un tiro tchaweske!

2. Rajengro liil 6:16

O Elisa penas: “Ma traash! Ap mari rig hi budeder lurde har ap lengri rig.”

Hiob 35:8

Kolla hi i wawar menshe, kolenge kowa djungeles hi, te kreh tchilatcho koowa, un kolenge kowa latcho hi, te kreh latcho koowa.

Ropaskre gilja 3:57

Har kharom tut goljah, wal tu pash mande, un penal: “Ma traash buder gar!”

Daniel 2:24

Un o Daniel djas dren pash o Arjoch, koles o baro rai bitchras, te marell lo i siklen an o them Babilonia. Un o Daniel penas ap leste: “Ma mare i siklen dran Babilonia! An man pash o baro rajeste, te nai penap me leske, hoi leskri suni kamell te penell.”

Micha 5:7

Kolla, kai atchan pral o Jakobeskre menshendar, hi i menshenge an i wawar themma har i lewo mank i wawar viechende an o weesh, har i terno lewo mank i bakre. Job perell pral lende, marell len un dandrell len khetne. Un kek nai rikrell les pale.

Mateo 10:18

Tumer patsenn ap mande. Doleske anenn le tumen glan i pralstunende un glan i bare rajende, te rakrenn jon i phagi win pral tumende. Kowa well ap tumende, te rakrenn tumer mandar glan lende un glan kolende, kai o Debles gar prindjrenna.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Johanni 11:9

O Jesus penas: “An o diwes hi deesh-te-dui tsirja. Koon ap o diwes trujel nashella, kowa perell gar. Ap o diwes chatchell o kham.

Bičepangre 19:21

Pal kau koowa kamas o Paulo pral i themma Macedonia un Achaja an o foro Jerusalem te djal, un penas: “Un pal kowa hunte dikap me o foro Rom ninna.”

Bičepangre 23:11

An koi rati mukas pes o rai Jesus glan o Pauleste te dikell, un penas ap leste: “Ma traash, Paulo! Jaake har tu mandar an o foro Jerusalem rakral, jaake hunte rakress mandar ninna an o foro Rom.”

Bičepangre 25:11

Te kroms me i tchilatcho koowa, kai hunte marans le man, mangoms tutar gar, te atchap djido. Te krom me kowa gar, hoi jon pral mande penan, palle nai tchiwenn tumer man gar an lengre wasta. Me kamau, te well miro koowa glan o baro rajeste an o foro Rom.”

Bičepangre 27:31

O Paulo penas ap ko baro lurdeste un ap kol lurdende: “Te atchenn kolla gar ap o shiffo, ham mer lauter nashedo.”

Bičepangre 27:37

Mer hams lauter khetne ap o shiffo dui-sheel-efta-deesh-te-shob (276) mursha.

Bičepangre 27:42

Koi kaman i lurde i stilden te marell, te nashell kek peske.

Bičepangre 27:44

un te tchiwenn pen i tsele wawar ap i kashta an o pani, te nai wenn le halauter wergel ap o them. Jaake wam mer lauter djido ap o them.

Bičepangre 9:15

Penas o rai Jesus leske: “Dja pash leste! Me rodom koles win, te well job mange koi, te djal lo pash kolende, kai kek bibolde hi, pash lengre bare rajende, un pash kol tsele biboldende, te penell lo lenge mandar.

Filemon 1:22

I wawar koowa mangau tutar: Kre mange i isema an tiro kheer, kai me nai sowap! O Dewel te shunell tumaro mangepen, palle wau an i tikno tsiro pash tumende. Kowa patsau.

Jakobo 5:16

Doleske penenn tumenge tumari doosh, un mangenn o Debles jek o wawareske, te wenn tumer sasto. I mensho, kai djiwell jaake, har o Dewel kamella, job te mangell i tselo djijeha tchomone o Deblestar, nai krell o Dewel bud leske.

Debleskro tsiro 1:17

Un har dikom les, perom glan leskre herja khetne, har woms mulo. Un job tchiwas peskro tchatcho wast ap mande, un penas: “Ma dare! Mandar was halauter. Un lauter wella pale glan mande.