Bičepangre 25:23 - O Debleskro Drom 2021 (Sinte)

²³ O wawar diwes was o Agrippa un i Bernike railes an-rido an o shukar baro kheer, kai i pralstune khetne wenna. Un kol pralstune lurde, un wawar foreskre pralstune wan lentsa kote khetne. Un o Festo mukas o Paules gole te dell.

O Debleskro Lab 2024 (Sinte-Manouche)

²³ O vavar dives vas o Agrippa oun i Bernike rayles an-rido an o shoukar baro kheer, kay i pralstoune khetne venna. Oun kol pralstoune lourde, oun vavar foreskre pralstoune van lentsa kote khetne. Oun o Festo moukas o Paules gole te dell.

Bičepangre 25:23 ပူးပေါင်းရင်းမြစ်များ

Ester 1:4

Kau baro festo djas 180 (jek-sheel-te-ochta-deesh) diwessa. Un an ko tsiro sikras lo len peskro baro brawlepen un ko tselo kutch koowa, pral kowa job halauter o rai hi.

Sikepaskro 1:2

Phares te haiwell hi halauter, penas o sikepaskro, halauter an o djipen hi phares te haiwell.

Jesaja 14:11

Tiro railepen, hoi trul tute his, was witsedo an o telstunepen, un i bashepangre bashrenn buder gar tuke. I kirme hi kanna tiro tchiben, un kirmentsa tchakreh tut.

Jesaja 5:14

O mulengro them bokell pal lende un kras peskro mui dur pre, un peskri meen jaake dur har djal, un chal i brawelen un kol wawaren, kai i bachtjatar gole dan un khelan.

Ezekiel 30:18

An o foro Tachpanes well ko diwes kalo, kai phagau kote koi soor, hoi o themes Egiptia pral wawar themma hi. Leskre bud sorele lurde, ap kolende i Egiptarja jaake bachtelo un pre-phurdo his, wenn krik lino. Kale wolke tchakrenn o foro. Un i menshe dran i gaba trujel wenn an o pandepen anlo.

Ezekiel 32:12

Khetne leha wenn kol sorele lurde dran bud themma, kai tchilatche sorjah ap wawarende djan. Jon denn i menshen an tiro them mulo pengre charentsa. Palle hi i Egiptarja buder gar pre-phurdo. Lengro tselo brawlepen well krik lino.

Ezekiel 33:28

Un me krau o them, te well lo i wi-meredo them, te nai wenn tumer buder gar pre-phurdo un sorelo. I berge an Israel wenn i mulo them, kai buder kek pral wergel djal.

Ezekiel 7:24

Doleske mukau lurden dran tchilatche natsjone pral o Israel te well, te lenn le lengre khera penge dren. Un kol raja, kai rikran i tchorwelen sorjah tele, lenge krau o pre-phurdepen paash. Un kol platse, kai mangan le pengre deblen an, mukau pale-tchiddo te krell.

Daniel 4:30

Un gomme an ko tsiro, har lo koi pral tardo his, was kau lab tchatcho. Un job was pale-tchiddo un djiwas buder gar mank i menshende. Un job chas khass har i grumja. Un job tchiwas pes win tele. Un o brishin peras ap leste tele un kras les sapeno. Leskre balla wan jaake lengsto har i phora bare tchirklendar, un leskre naja bango har i tchirklengre tsebe.

Markus 6:21

Koi was i diwes, kai hi mishto i Herodiake. O Herodes was i bersh phureder un mukas i baro chapen te krell. Pash ko chapen wan i pralstune pral peskro them, ninna i pralstune lurde. Un i brawele dran o them Galilea his ninna koi.

Bičepangre 12:21

I diwes was win kerdo, kai kamas o Herodes lentsa te rakrell. Ap ko diwes riwas o Herodes peskre rajengre koola an, beshas pes ap peskro railo beshepaskro, un rakras i baro rakepen.

Bičepangre 25:13

Pal budeder diwessa, was o biboldengro baro rai Agrippa peskri phenjah Bernike an o foro Cesarea, te djan le pash o Festeste.

Bičepangre 26:30

Un o baro rai Agrippa peskri phenjah Bernike, un o themeskro rai Festo, un kolla, kai pash lende beshdo his, stan pre.

Bičepangre 9:15

Penas o rai Jesus leske: “Dja pash leste! Me rodom koles win, te well job mange koi, te djal lo pash kolende, kai kek bibolde hi, pash lengre bare rajende, un pash kol tsele biboldende, te penell lo lenge mandar.

1. Korintarja 7:31

Kai phub un lauter, hoi koi pre hi, atchella gar. Doleske pandenn tumen gar ap ko koowa, hoi i menshenge ap kai phub jaake bud moldo hi!

Jakobo 1:11

O kham djal pre un chatchrell o senlepen. Un koi bluma perell tele, un nashrell peskro shukapen. Jaake har koi bluma, jaake merella ninna ko brawelo ap peskro drom.

1. Petro 1:24

An o Debleskro lab hi tchinlo: I tsele menshe hi har o senlepen un har shukar blume. O senlepen merella, un i blume perenn tele.

1. Johanni 2:16

Pash i menshende ap kai phub djal lauter pal jek koowa: chapen un pipen, romedinepen un khelepen, brawlepen un sharepen. Kowa lauter well gar o Deblestar, maro dadestar. Kowa lauter hi phubjakro koowa.