Bičepangre 24:27 - O Debleskro Drom 2021 (Sinte)

²⁷ Har dui bersha trujel his, was o Festo Porcio an o foro Cesarea, un kras kanna koi budi, hoi o Felix glan leste kras. O Felix kamas tchomone te krell, hoi his mishto an i biboldengre jaka. Doleske mukas lo o Paules an o stilepen.

O Debleskro Lab 2024 (Sinte-Manouche)

²⁷ Har douy bersha trouyel his, vas o Festo Porcio an o foro Cesarea, oun kras kanna koy boudi, hoy o Felix glan leste kras. O Felix kamas čomone te krell, hoy his mishto an i biboldengre yaka. Doleske moukas lo o Paules an o stilepen.

Bičepangre 24:27 ပူးပေါင်းရင်းမြစ်များ

2. Mose 23:2

Ma rike pash kolende, hoi djan ap i tchilatcho drom, ninna te hi jon bud! Te putchenn tutar i tchatchepangre, ma pen tchomone wawares har o tchatchepen, ninna te chochenn i tsele wawar.

Gosewe laba 29:25

Kowa, kai darell i menshendar, perella. Kowa, kai rikrell pes ap o baro Debleste, pral koleste rikrell lo peskre wasta.

Jeremia 38:13

Un jon tserdan les kol dorjentsa pre dran koi brunna. Un job atchas ap i lurdengri platsa.

Markus 15:15

O Pilato kamas kowa te krell, hoi kol bud menshe lestar kaman un mukas o Barabes dran o stilepen win. Un o Jesuses mukas lo i tchupnijah dawa te dell, un das les an i lurdengre wasta, te denn le les ap o trushel.

Bičepangre 12:3

Har o Herodes haiwas, kai kowa mishto his an i biboldengre jaka, mukas job ninna o Petres te taprell. Kowa his an ko tsiro, kai chan i bibolde kek shutlo maro.

Bičepangre 23:35

“Jon te hi kate, kai anan i doosh ap tute pre, palle kamau te shunell, hoi tu peneh.” Un job tchiwas les stildo an o Herodeskro kheer.

Bičepangre 25:1

Pal triin diwessa djas o Festo dran o foro Cesarea an o foro Jerusalem.

Bičepangre 25:14

Un jon atchan budeder diwessa koi. Un o Festo rakras leha pral o Pauleste un leskro koowa, un penas ap leste: “O Felix, kai kras koi budi glan mande, mukas mange i murshes kate an o stilepen.

Bičepangre 25:4

Koi penas o Festo ap lende: “O Paulo atchell an o foro Cesarea stildo! Me djau an i tikno tsiro kote pale.

Bičepangre 25:9

O Festo kamas tchomone te krell, hoi hi mishto an i biboldengre jaka. Doleske penas lo ap o Pauleste: “Kameh tu, te anap tut an o foro Jerusalem, te penap kote i phagi pral tute win?”

Bičepangre 26:32

O Agrippa penas ap o Festo: “Kau murshes mukams mer nai dran o stilepen win te djal, te penals job gar, te kamell lo glan o baro rajeste an o foro Rom te djal, te rakrell kowa o tchatchepen pral leste win.”

Bičepangre 28:30

O Paulo atchas dui bersha an peskri isema, hoi job peskre lowentsa plaissras, un las lauteren pash peste pre, kai wan pash leste.

Galatarja 1:10

Penenn mange, rakrau me kanna jaake, har kamenn i menshe kowa te shunell? Na-a! Me rakrau jaake, har o Dewel kowa kamella. Me kamau gar, te sharenn man i menshe. Te wals kowa jaake, woms gar o Jesus Kristeskro budepaskro.