Bičepangre 23:12 - O Debleskro Drom 2021 (Sinte)

^12-13 Taissarlake wan budeder har star-deesh bibolde khetne, un dan pen sowel, te chan le un te pijenn le tchi jaake rah, bis te jon o Paules maran.

O Debleskro Lab 2024 (Sinte-Manouche)

^12-13 Taysarlake van boudeder har star-deesh bibolde khetne, oun dan pen sovel, te rhan le oun te piyenn le či yaake rah, bis te yon o Paules maran.

Bičepangre 23:12 ပူးပေါင်းရင်းမြစ်များ

1. Mose 37:18

Har i phrala dikan, kai o Josef wella, lan jon penge glan, te denn le les mulo.

1. Rajengro liil 19:2

Kote bitchras i Isebel i bitchepaskres pash o Elija un mukas leske te penell: “I debla mu denn man i bari phagi, te krom gar tuha taissar an kau tsiro, hoi tu kral lentsa.”

2. Rajengro liil 6:31

Un job penas: “O Debleskri choli mu well pral mande, te dau me kai diwes gar ko shero o Elisestar tele, koleskro dad o Shafat hi.”

Nehemia 10:29

I tsele Israelitarja, i rashaja, un i Levitarja, un kolla, kai jak denn ap o foreskre wudja, un i gipangre, un i budepangre an o Debleskro kheer, un kolla i wawar menshendar, kai mukan pengre menshen un djan kanna o Debleskro drom, ninna lengre romja, lengre tchawe un tcha, kai haiwenn kowa,

Ester 2:22

Un ko koowa shunas o Mordekai un penas les ap i rani Ester, un penas lake ninna, te penell li les o baro rajeske dureder. Un i Ester kras kowa.

Debleskri gili 31:13

Bud bistran man, har te woms mulo un paskedo. Lenge hom har i phagedo tcharo, hoi krik witsedo was.

Jeremia 11:19

Me homs har i terno bakro, kai djinell gar, te well lo kote anlo, kai well lo maredo. Jaake djinom gar, kai rakran le khetne, har te krenn le mange tchilatchepen. Jon penan mandar, har te woms i ruk: Mer dah ko ruk tele, jaake rah har hi lo sasto. Maras les, te well lo bistedo!

Jeremia 44:25

Kowa penell o baro Dewel, ko rai pral o bolepen un i phub, kai o Israeleskro Dewel hi: Tumer un tumare romja penan: “Mer kamah mari sowel te rikrell, hoi mer i bolepaskri rajetsake dam, te chatchras sungepaskro koowa lake un te tchoras mool glan late win.” Un kowa kran tumer ninna. Palle mishto, palle rikrenn tumari sowel, un krenn, hoi dan lake sowel!

3. Mose 27:29

Te hi kowa i mensho, nai well lo gar win ginlo. Job hunte well maredo.

Mateo 26:4

Un jon rodan i drom, har nai taprans le o Jesuses tchorchanes, te marenn le les.

Mateo 26:74

Koi tchingras lo, das pes sowel, un penas ap lende: “Me prindjrau kau murshes gar!” Un sik koi pre das o bashno gole.

Mateo 27:25

Un kol tsele menshe penan: “Koi doosh well ap mende un ap mare tchawende!”

Bičepangre 23:14

Kolla djan pash kol bare rashajende un pash kol biboldengre phureder, un penan lenge: “Mer dam men sowel, kai chah un pijah tchi, bis te maram o Paules.

Bičepangre 23:21

Tu patsess len gar. Budeder har star-deesh mursha lurenn ap leste ap o drom. Kolla dan pen sowel, te chan le tchi, te pijenn le tchi, bis te maran le les. Jon hi koi khatedo te nai marenn le les jaake sik, har tu mukeh les win te anell.”

Bičepangre 23:30

Har me shunom, kai kamenn le ko murshes tchorchanes te marell, bitchrom les sik pash tute. Me penom ninna kolenge, kai anan i doosh ap leste pre, te penenn jon tuke, hawi doosh jon ap leste hatsan.”

Bičepangre 25:3

Un jon mangan o Festestar soreles, te krell lo lenge i latchepen, te mukell lo o Paules an o foro Jerusalem te anell. Mank pende kran i bibolde win, te marenn le o Paules ap o drom an o foro Jerusalem.

Bičepangre 9:23

Pal budeder diwessa wan kol bibolde khetne, rakran pral ko koowa, un penan: “Mer marah les.”

Bičepangre 9:24

Kowa was o Sauleske penlo. I rati un ap o diwes dan i bibolde jak glan kol foreskre wudja, te taprenn le les, un te marenn le les.

1. Korintarja 16:22

Koon o Jesuses, maro rajes, gar kamella, ap koleste well i bibacht! Maranatha!

2. Korintarja 11:26

Ap miro drom an bud wawar forja un themma his bud kope o merepen glan mire jaka. Me nai tassoms an i diwje panja, un kol tchorepangre nai dans man mulo. Un i bibolde, un ninna kolla, kai kek bibolde hi, kolla lan man palla. An o mulo them un an o baro pani, kai homs, his o merepen glan mire jaka, un ninna, har homs mank kol phralende, kai hi kek tchatche phrala.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

1. Tessalonikarja 2:16

Jon mukenn men gar, te penas mer o latcho lab i wawarenge, kai kek bibolde hi, te nai wenn kolla ninna ap o Debleskro drom. Jaake was i biboldengri doosh jaake baro, bareder djal gar. Un o Debleskri choli was soreles pral lende.

Josua 6:26

Ap ko tsiro das pes o Josua sowel: “Mu dell o baro Dewel bibacht ap ko mursheste, koon kau foro pale pre tchiwell. Te tchiwell lo i telstune barra pre, hunte merell leskro phureder tchawo. Te tchiwell lo i bare wudja dren, merell leskro terneder tchawo.”

Josua 7:1

I Israelitarja rikran pen gar ap o Debleskro lab, hoi job penas, te well halauter an o foro Jericho leskro. Jek lendar, o Achan, las tchomone peske. O Achaneskro dad his o Karmi, koleskro dad his o Sabdi, un koleskro dad his o Serach. Un kolla his mursha dran o kheer Juda. Har o Achan kowa kras, las o baro Dewel i bari choli pral i Israelitarja.

Josua 7:15

Un ko mursh, pash koleste kowa hatslo well, hoi o baro Debleske hi, kowa well chatchedo: job un halauter, hoi les hi. Job kras gar, hoi o baro Dewel i Israelentsa win kras, un anas jaake i bari ladj ap o Israel.”

1. Samuel 14:24

O Saul das i Israelitarjen trad un penas: “Bibacht pral koleste, kai chal kau diwes, jaake rah o kham gomme gar tele djas, un me gar kolen lauteren pale dom, kai kaman man te marell.” Doleske his i murshen dran Israel buder kek soor i bokatar, un o marepen was lenge phares.