Bičepangre 21:20 - O Debleskro Drom 2021 (Sinte)

²⁰ Har jon kowa shunan, sharan le o Debles, un penan ap o Pauleste: Miro phraal, tu dikeh har bud serja bibolde patslo wan, un lauter rikrenn pen pengri tseli sorjah ap kowa, hoi o Mose an peskre lila penas.

O Debleskro Lab 2024 (Sinte-Manouche)

²⁰ Har yon kova shounan, sharan le o Debles, oun penan ap o Pauleste: Miro phraal, tou dikeh har boud zerya bibolde patslo van, oun lauter rikrenn pen pengri tseli zoryah ap kova, hoy o Mose an peskre lila penas.

Bičepangre 21:20 ပူးပေါင်းရင်းမြစ်များ

Debleskri gili 22:23

Tutar kamau me te rakrell pash mire phralende. Kote, kai wenn le khetne, kamau me tut te sharell.

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

Mateo 9:8

Un har kol bud menshe kowa dikan, daran le o Deblestar un sharan les, kai das i menshes jaake bud soor.

Louka 12:1

Ap ko tsiro wan bud serja menshe khetne, jaake te stakras jek o wawareske ap i pire. Koi penas o Jesus ap peskre malende, gar ap kol wawarende: Denn garda, te rakrenn gar dui tchipjentsa har i Farisarja! Kowa hi har shutlo jarro, hoi krell o tselo jarro shutlo.

Louka 15:32

Mer hunte was bachtelo. Tiro phraal his mulo un was djido. Job his nashedo un hatsas pale khere.

Johanni 12:24

Tchatchepah, me penau tumenge: Te well o djob gar an i phub un merell tele, anell lo nai kek newo djob. Te merell lo tele, anell job bud newo djob.

Bičepangre 11:18

Har jon kowa shunan, tchingran le buder gar ap o Petreste. Jon sharan o Debles un penan: “O Dewel sikras ninna kolende peskro drom an o newo djipen, kai hi kek bibolde. Jon nai mukenn pengro tchilatcho drom un wenn ap o Debleskro drom.”

Bičepangre 15:1

Koi wan mursha dran o them Judea an o foro Antiochia tele, un penan kol patslenge, kai kek bibolde hi: “Tumer hunte mukenn tumen ap o mass te tchinell, har o Mose kowa an peskre lila tchinas. Te mukenn tumen gar ap o mass te tchinell, palle nai wenn tumer gar o Debleskre tchawe.”

Bičepangre 15:24

Mer shunam, te wan menshe mendar pash tumende, un kran tumen dineles, jaake te lan tumer traash. Djinenn, kolen bitchram mer gar pash tumende.

Bičepangre 15:5

His Farisarja koi, kai ap o Jesuseste patslo wan. Kolla penan ap i phralende: “Kolla, kai kek bibolde hi, hunte wenn ap o mass tchinlo, un lenge hunte well penlo, te rikrenn le pen ap o Moseskre laba.”

Bičepangre 2:41

Kolla, kai lan leskre laba an pengro dji pre, mukan pen te taufrell. Un ap ko diwes wan triin serja menshe ap o Jesuseste patslo.

Bičepangre 22:3

Me hom i biboldo, un wom boldo an o foro Tarsus, an ko them Cilicia. Baro wom an o foro Jerusalem. Miro sikepaskro his o Gamalijel. Kowa sikras mande, te djiwap jaake, har mare phure djiwan. Jaake har tumer pal o Moseskre laba djiwenna, djiwom me ninna o tselo djijestar.

Bičepangre 4:21

Koi dan le len soreles trad, un mukan len te djal. Jon hatsan tchi ap lende, kai nai dans jon lenge i phagi. I menshe sharan o Debles pral kowa, hoi koi djas.

Bičepangre 4:4

Bud kolendar, kai shunan kol laba, hoi o Petro penas, wan patslo. Nai his pantch serja menshe.

Bičepangre 6:7

O Debleskro lab was bud un budeder menshenge penlo, un bud wan patslo. An o foro Jerusalem wan ninna bud rashaja patslo.

Remarja 10:2

Me djinau tchatchepah, jon krenn bud koowa o tselo djijeha o Debleske. Ninna te krenn le kowa, djinenn le tchatchepah gar, hoi o Dewel kamella.

Galatarja 1:14

Me rikrom man ap o biboldengro patsepen feteder har bud wawar bibolde, kai jaake phuro his har me. Miri tseli sorjah kamom kowa te krell, hoi mare phure penan.

Galatarja 1:24

Un jon sharan o Debles pral halauter, hoi job ap mande kras.

2. Tessalonikarja 1:10

ap ko diwes, kai well maro rai Jesus pale, te well lo sharedo peskre menshendar. Un i tsele patsle dikenn les, un hi bachtelo pral leste, ninna tumer, kai patsan ap o Debleskro latcho lab, hoi mer tumenge penam.