Bičepangre 20:30 - O Debleskro Drom 2021 (Sinte)

³⁰ Ninna dran tumende wenn mursha, kai penenn i patslenge chochene laba, hoi gar o Deblestar wella. Un jon tserdenn i patslen ap pengri rig.

O Debleskro Lab 2024 (Sinte-Manouche)

³⁰ Ninna dran t'mende venn morsha, kay penenn i patslenge rhorhene laba, hoy gar o Deblestar vella. Oun yon tserdenn i patslen ap pengri rig.

Bičepangre 20:30 ပူးပေါင်းရင်းမြစ်များ

Gosewe laba 19:1

Hi feteder te hal an o tchatchepen tardo un djiweh an tchorwlepen, har te wess i dinelo, kai rakrell chochepen.

Gosewe laba 23:33

Tire jaka dikenn kowa, hoi gar koi hi. Un tiro dji penell tuke dinelo koowa.

Jesaja 59:3

I wawarengro rat kras tumare wasta ratlo, un koi doosh, hoi ap tumende lan, kras tumare gushte tchiklo. Tumaro mui rakrell chochepen, un tumari tchip tchilatchepen.

Daniel 11:34

An ko tsiro, kai wenn le jaake palla lino, wenn lenge menshe ap i rig. Kolla hi gar bud. Bud wawar rikrenn gar tchatchepah pash lende.

Mateo 23:15

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen. Tumer djan pral i tseli phub, te anenn i menshenge o biboldengro patsepen. Un te djiwell jek pal tumaro patsepen, palle krenn lestar i bengeskro tchawo. Un job well dui kope tchilatcheder har tumer han.

Bičepangre 11:26

Har o Barnabas les hatsas, anas lo les an o foro Antiochia. Un kol dui atchan i tselo bersh kote pash i patslende, un penan bud menshenge o Debleskro lab. Kote dan jon i patslen ko lab Kriste.

Bičepangre 21:38

Hal tu gar ko mursh dran o them Egiptia, kai glan i tsiro i tchingepen kras, un anas star-sheel marepangren an o mulo them win?”

2. Korintarja 11:13

Tchatchepah, jon wan gar o Jesus Kristestar bitchedo. Jon hi chochene, un krenn, har te bitchrals len o Jesus Kristo.

1. Timoteo 5:13

Kal terne djuwja kamenn buder gar te budrell, un jon djan dran jek kheer an o wawar, un tchamrenn bud. Jon kamenn lauter feteder te djinell, un rakrenn jaake, hoi gar mishto hi.

1. Timoteo 6:5

Sawo tchingepen djal dureder un dureder. Kolla, kai krenn kowa, hi nasselo an o shero un haiwenn buder gar, hoi o tchatchepen hi. Jon patsenna, te nashte lenn le bud lowe khetne, te krenn le, hoi o Dewel kamella.

2. Petro 2:18

Jon rakrenn bare laba, kai tchi moldo hi. Lengro wi-ladjedo djipen tserdell kolen ap o tchilatcho drom, kai dan glan i tikno tsiro pengro phuro djipen pre.

1. Johanni 2:19

Kolla wan mendar. Jon his gar tchatchepah mendar. Te wans jon mendar, atchans le pash mende. Un har jon penge djan, nai dikas hakeno, te his le gar mendar.

2. Johanni 1:7

Bud chochene sikepangre nashenn ap i phub trujel, kai kamenn i patslen o tchatcho dromestar tele te anell. Jon penenna, kai was o Jesus Kristo gar i mensho dran mass un rat. Kol sikepangre wenna gar o Deblestar. Jaake har jon rakrenna, jaake rakrell ninna ko chocheno, kai hadell pes pral o Jesus Kristeste.

Debleskro tsiro 2:6

Kate hi tchomone, hoi tumer krenn latches. Tumer kamenn gar, hoi kol Nikolarja krenna, jaake har me kowa witar gar kamau.