Bičepangre 20:27 - O Debleskro Drom 2021 (Sinte)

²⁷ Me mukom gar tele, te penap tumenge halauter, hoi o Dewel tumenge kras.

O Debleskro Lab 2024 (Sinte-Manouche)

²⁷ Me moukom gar tele, te penap t'menge halauter, hoy o Devel t'menge kras.

Bičepangre 20:27 ပူးပေါင်းရင်းမြစ်များ

Debleskri gili 32:11

Tumer, kai an o tchatchepen tardo han, awenn bachtelo pral tumaro baro Debleste! Mukenn tumare djia san un bashrenn! Denn gole i bachtjatar, tumer lauter, kai shunenn o tselo djijeha ap o Debleste.

Debleskri gili 40:10

Kote, kai lauter khetne wenna, penau me lenge, kai tu leh win dran o tchilatchepen. Miro mui pandau me gar. Tu, baro Dewel, djineh kowa.

Jeremia 23:22

Te wans jon glan mande tardo an miro tsillo, rakrans jon mire laba mire menshenge, un penans lenge, te mukenn le pengro tchilatcho drom un pengro tchilatcho koowa, hoi kran le.

Jeremia 26:2

Kowa hi, hoi me, o baro Dewel, tuke penau: Dja ap i glanstuni platsa glan miro baro kheer, un rake ap kol tsele menshende, kai wan dran i tsele forja dran o them Juda, te mangenn le man an. Pen lenge i tsele laba, hoi tuke penom. Ma muk tchomone krik!

Jeremia 34:6

Un o Debleskro rakepaskro, o Jeremia, penas kol tsele laba ap o Zedekja, ko rajeste pral o them Juda, an o foro Jerusalem.

Jeremia 42:21

Kowa penom tumenge kau diwes. Un tumer kamenn gar ap tumaro baro Debleste te shunell, te krenn halauter, hoi job mukas tumenge dran miro mui te penell.

Ezekiel 40:4

Un ko mursh penas ap mande: Tu, mensho, dik un shun mishto, un de jak ap halauter, hoi sikrau tut. Doleske wal tu kate anlo, te sikrap kowa tuke. Halauter, hoi kate dikal, pen i menshenge dran o kheer Israel!

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Louka 7:30

Kol Farisarja un kol biboldengre tchatchepangre, kran o Debleskro lab penge tchitcheske. Jon mukan pen gar o Johannestar te taufrell.”

Johanni 15:15

Tumer han mange buder gar budepangre. I budepaskro djinell gar, hoi leskro rai krella. Tumenge penom halauter, hoi shunom miro dadestar. Doleske han tumer kanna mire mala.

Bičepangre 13:36

Un o David his an peskro djipen o Debleske koi. Un job meras un was paskedo pash peskre menshende. Un leskro mass ferdjas tel i phub.

Bičepangre 2:23

Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

Bičepangre 20:20

Man his kek daar, te penap tumenge o tselo tchatchepen, har me tumende o Debleskro drom sikrom. Un me penom o Debleskro lab an tumare khera.

Bičepangre 20:35

Jaake sikrom tumende, kai hunte budras, te nai dah ninna i tchorwelende tchomone. Ma bistrenn kol laba, hoi o rai Jesus penas: Kowa, kai della, hi bachtleder har kowa, kai lella.”

1. Korintarja 11:23

Hoi me tumenge penom, kowa penas mange o rai Jesus. Koi rati, kai was ap maro rajeste, o Jesuseste, phukedo, las job ko maro,

2. Korintarja 4:2

Djungelo koowa, hoi krenn i menshe tchorchanes, kowa krah mer gar. Mer chochah kek menshen un penah o Debleskro lab jaake har tchinlo hi, un gar wawartchandes. Jaake djiwah glan o Debleste un rakrah o tchatchepen, te haiwell nai hakeno, kowa, hoi penah, hi tchatcho.

Galatarja 4:16

Kanna, kai penau tumenge o tchatchepen, han tumer tchilatcho ap mande?

Efesarja 1:11

Job kras, te wam mer o Debleskre tchawe. Un ko bolepaskro brawlepen, hoi leskro hi, well ninna maro. Kowa kamas o Dewel glan i rah tsiro jaake. Un lauter, hoi job kamella, krell lo.

1. Tessalonikarja 2:4

Na-a, o Debleske ham moldo, te das lo men koi budi, te sikras mer i menshende o Jesuseskro drom. Doleske rakrah mer lestar. Kowa krah gar, te dikenn i menshe latches ap mende, na-a, mer kamah, te dikell o Dewel latches ap mende. Job djinella, hoi an maro dji hi.

Josua 8:35

Un his kek lab, hoi mukas o Josua gar win te kharell kol tsele labendar, hoi o Mose penas. Un i tsele Israelitarja, ninna i djuwja un tchawe un wi-themarja mank lende shunan kowa.