Bičepangre 18:6 - O Debleskro Drom 2021 (Sinte)

⁶ Jon shunan gar ap leste un praassan les. Palle das job koi tchik dran peskre koola tele, un penas ap lende: “Tumaro rat well ap tumaro shero. Man hi kek doosh. Kanna djau me pash kolende, kai kek bibolde hi.”

O Debleskro Lab 2024 (Sinte-Manouche)

⁶ Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

Bičepangre 18:6 ပူးပေါင်းရင်းမြစ်များ

2. Samuel 1:16

Glan kowa penas o David ap o Amalekari: “Tu anal leskro rat ap tute. Doleske meress! Tiro mui phukras ap tute, har tu penal: ‘Me dom koles mulo, koles o baro Dewel win rodas, te well lo baro rai.’”

1. Rajengro liil 2:33

Lengro rat atchell ap o shero o Joabestar un leskre tchawendar pal leste hako tsireske. O David un halauter, kai wenn pal leste, un kai wenn bare raja pal leste, kolendar mu rikrell o baro Dewel i bibacht dur krik an hako tsiro!”

Nehemia 5:13

Ninna trisslom miri baja win, un penom: “Jaake trissell o Dewel hakenes tumendar, kai rikrell gar peskro lab. O Dewel lell lestar leskro kheer un lauter, hoi les hi.” Un lauter, kai kote khetne wan, penan: “Amen!” Un jon sharan o baro Debles. Un i menshe kran pal kol laba, har jon penan.

Ezekiel 18:13

Te patsell lo lowe win, lell lo peske budeder lowe pale. Nai atchell sawo mensho djido? Na-a! Koon sawo djungelo koowa kras, hunte merell. Job hunte lell peskri phagi!

Ezekiel 33:4

Te shunell jek palle i phurdepaskri, un dell gar jak koi pre, un i lurde wenna un denn les mulo, palle hi les kokres doosh ap peskro merepen.

Ezekiel 33:6

Hi wawartchandes, te dikell kowa, kai jak hunte dell, i lurden te well, un job phurdell gar an i phurdepaskri, te djinenn i menshe, hoi pral lende wella. Un palle wenn i lurde un denn jekes mulo. Palle merell kawa peskri doshake, hoi lo ap peste anas. Ap koleste, kai gar an i phurdepaskri phurdas, penau me palle: Tut hi doosh ap leskro merepen.

3. Mose 20:9

Te rakrell jek pral peskro dadeste oder peskri date bibacht win, palle hunte well lo mulo dino. Koon sawo koowa krell, ap koleste well leskro rat.

Mateo 10:14

Kote, kai lenn le tumen gar pre, un kamenn tumen gar te shunell, kote djan tumenge dran ko kheer un dran ko foro win! Un denn koi tchik tumare pirendar tele!

Mateo 21:41

Penan le ap o Jesuseste: “Job marell kol tchilatche murshen. Les khaitenn jon gar. Un job dell ko kotar them kol wawarende, kai leske i drake an o tchatcho tsiro dren anenna.”

Mateo 21:43

Awa, me penau tumenge: An ko tsiro, hoi wella, han tumer buder gar o Debleskre menshe. O Dewel dell wawar menshen khetne gole, te djiwenn le leha khetne. Un jon krenna, hoi o Dewel kamella.

Mateo 22:10

Un kol budepangre djan ap kol tsele dromma, un anan lauteren khetne, i tchilatchen un i latchen. Un jaake bud menshe wan ap i bijab, te was o kheer pherdo.

Mateo 27:25

Un kol tsele menshe penan: “Koi doosh well ap mende un ap mare tchawende!”

Mateo 8:11

Bud menshe wenna dran bud wawar themma pash o Debleste an o bolepen, un beshenn pen tele, te chan le o Abrahameha un o Isaakeha, un o Jakobeha khetne.

Louka 22:65

Un jon praassan les.

Louka 9:5

Un te lenn le tumen gar an pengro kheer dren, djan tumenge dran kau foro, un denn koi tchik tumare pirendar tele! Un kowa sikrell i menshende, kai jon tchilatcho hi.”

Bičepangre 13:51

Un o Paulo un o Barnabas dan koi tchik pengre pirendar tele, te djinan kolla an ko foro, hawo djungelo koowa jon kran. Un pal kowa djan o Paulo un o Barnabas an o foro Ikonion.

Bičepangre 26:11

An i tsele biboldengre kangria mukom me kol patslen dawa te dell i tchupnijah, un kamom, te denn le pengro patsepen pre. Me homs jaake chojedo ap lende, te lom len ninna an forja an wawar themma palla.

Bičepangre 26:20

Me djom an o foro Damaskus, un palle an ko foro Jerusalem. Un i tsiro koi pre djom an ko them Judea. Un pal kowa djom pash kolende, kai kek bibolde hi, un penom lauterenge, te mukenn le pengro tchilatcho drom, un te djan le ap o Debleskro drom, un te djiwenn le jaake, kai i wawar dikenna, kai jon pengro phuro djipen mukan.

Bičepangre 28:28

Un o Paulo penas: “Djinenn! Kanna well o Debleskro latcho lab o Jesus Kristestar pash kolende, kai kek bibolde hi, un jon shunenna.”

Remarja 3:29

O Dewel hi gar kokres i biboldengro Dewel. Na-a, job hi ninna o Dewel kolenge, kai kek bibolde hi.

1. Timoteo 5:22

Ma tchip sik tire wasta ap jekeste pre! De jak, te well i doosh i wawarestar gar ap tute! Rike tiro dji djudjo!

2. Timoteo 2:25

ninna te kamenn le gar ap leste te shunell. Job rakrell latches lentsa, te anell lo len ap o tchatcho drom! O Dewel nai dell len o dji, te mukenn le pengro tchilatcho drom, un te haiwenn le, hoi o tchatchepen hi.

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.

1. Petro 4:4

Kanna djiwenn tumer buder gar ko djungelo djipen har kol tchilatche. Kowa djal kolenge gar an o shero. Doleske tchingrenn le ap tumende.