Bičepangre 18:28 - O Debleskro Drom 2021 (Sinte)

²⁸ Job penas i biboldenge o Debleskro lab kote, kai job djas. Un job sikras lende an o Debleskro lab, kai hi o Jesus ko baro rai, kolestar o Dewel glan i rah tsiro penas, te well job.

O Debleskro Lab 2024 (Sinte-Manouche)

²⁸ Yob penas i biboldenge o Debleskro lab kote, kay yob djas. Oun yob sikras lende an o Debleskro lab, kay hi o Yezous ko baro ray, kolestar o Devel glan i rah tsiro penas, te vell yob.

Bičepangre 18:28 ပူးပေါင်းရင်းမြစ်များ

Louka 1:80

O Johanni was baro, un haiwas hako diwes feteder, hoi o Dewel kamella. Un job djiwas an o mulo them jaake rah, bis te was ko diwes, kai job glan i menshende an Israel rakras.

Louka 24:27

Palle penas o Jesus lenge, hoi o Mose un i tsele Debleskre rakepangre pral leste tchinan.

Louka 24:44

Un job penas: “Har me pash tumende homs, penom me ap tumende: Halauter hunte well tchatcho, hoi o Mose tchinas, un hoi o Debleskre rakepangre pral mande penan, un hoi an o Debleskre gilja tchinlo hi.”

Johanni 5:39

Tumer rodenn o djipen an o Debleskro lab un patsenn, kai hatsenn kote ko djipen, hoi gar pre-herella. Un tchatchepah, o Debleskro lab rakrell mandar.

Bičepangre 17:3

Job sikras lende, kai an o Debleskro lab tchinlo hi, har ko baro rai, kai o Deblestar wella, hunte las bud duka ap peste, un stas i mulendar pre. “Un me penau tumenge,” penas o Paulo, “kau Jesus, kolestar rakrau, kowa hi ko baro rai, kolestar o Dewel penas, te well job.”

Bičepangre 18:25

Job djinas ninna tchomone pral o Jesuseskro drom. Un peskro tselo djijeha rakras lo lestar. Un lauter, hoi job pral leste penas, his tchatcho. Pral o Debleskro thopen djinas job kokres, har o Johanni i menshen taufras.

Bičepangre 18:5

Har o Silas un o Timoteo dran o them Macedonia wan, tchiwas o Paulo peskri budi ap i rig, te nai penell lo i menshenge o Debleskro lab. An o Debleskro lab sikras lo i biboldende, kai o Jesus ko baro rai hi, koles o Dewel bitchras.

Bičepangre 8:35

Koi penas o Filipo leske, hoi kol laba kamenn te penell, un penas leske o latcho lab o Jesusestar.

Bičepangre 9:22

O Saulo rakras bari sorjah un sikras len, kai hi o Jesus o Kristo, kai was o Deblestar bitchedo, jaake te nai penan i bibolde, kai an o foro Damaskus djiwan, tchi buder.