Bičepangre 17:24 - O Debleskro Drom 2021 (Sinte)

²⁴ Ko Dewel kras o bolepen un i phub, un lauter, hoi koi pre hi. Job hi o rai pral o bolepen un i phub. Job djiwell gar an i Debleskre khera, kai i menshe pengre wastentsa kran.

O Debleskro Lab 2024 (Sinte-Manouche)

²⁴ Ko Devel kras o bolepen oun i phoub, oun lauter, hoy koy pre hi. Yob hi o ray pral o bolepen oun i phoub. Yob djivell gar an i Debleskre khera, kay i menshe pengre vastentsa kran.

Bičepangre 17:24 ပူးပေါင်းရင်းမြစ်များ

1. Mose 1:1

Glan i rah rah tsiro kras o Dewel o bolepen un i phub.

1. Mose 14:19

Un job sharas o Abrames un penas: “Tu, Abram, ap tute hi tchiddo i soor un i bacht ko Deblestar, kai hi o Dewel pral halauter un kras o bolepen un i phub.

1. Mose 14:22

Koi penas o Abram ap leste: “Me dau man sowel glan o baro Debleste, kai hi o Dewel pral halauter, un kras o bolepen un i phub:

1. Rajengro liil 8:27

Nai well tchatcho, kai o Dewel kamell te djiwell ap i phub? O tselo bolepen hi gar bares doha leske. Har nai krals kowa kau kheer, hoi me mukom te krell?

2. Rajengro liil 19:15

un mangas o baro Debles un penas: “Baro Dewel, kai hal o Israeleskro Dewel, tu hal pral i bolepangre beshdo. Tu kokres hal o Dewel pral i tsele themma ap kai phub. Tu hal, kai kral o bolepen un i phub.

2. Familjakro liil 2:6

Doleske mangau tut, bitche mange i murshes i latcho wasteha, kai haiwell shukar koowa te krell dran o sonakai, rup, lolo saster un wawar saster, lole thaba, blauete thaba un thaba, hoi hi lolo har jag. Ninna hunte haiwell lo te dell shukar koowa win tchurje dran kasht un wawar koowa. Kowa te krell lo khetne kol murshentsa, kai haiwenn pen mishto ap koi budi, un kai pash mande hi an o them Juda un an o foro Jerusalem, kolen miro dad, o David, mange das, te krenn le koi budi.

2. Familjakro liil 6:18

Nai well tchatcho, kai o Dewel kamell te djiwell pash i menshende ap i phub? O tselo bolepen hi gar bares doha, te rikrell lo tut. Har nai krals kowa kau kheer, hoi me mukom te krell?

Debleskri gili 115:16

O bolepen hi o baro Debleske kokres. I phub das job i menshende.

Debleskri gili 146:5

Bachtelo hi kowa, koleske o Jakobeskro Dewel ap i rig well, awa, kowa hi bachtelo, kai kokres ap peskro baro Debleste dikell.

Debleskri gili 148:13

Kolla lauter mu sharenn o baro Debleskro lab. Leskro lab hi bareder har i tsele wawar laba. Leskro railepen djal pral i phub un o bolepen.

Debleskri gili 24:1

I gili o Davidestar. O baro Debleske hi i phub un lauter, hoi koi pre hi, awa, i tseli phub un kolla, kai kote djiwenna.

Jesaja 40:12

Koon hi jaake baro, te nai lell lo i tsele panja an peskro wast? Koon nai tchiwell peskro wast ap o bolepen un penell, har buchlo kowa hi? Koon nai tchiwell i tseli tchik i phubjatar an i baro tcharo, te dikell lo har bud kowa hi? Un koon nai penell, har pharo i berge hi, un nai tchiwell len ap i waga? Kek mensho nai krell kowa!

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Jesaja 42:5

O baro Dewel hi maro rai, kowa, kai o bolepen kras, un har i plachta buchles kras. Ninna i phub kras lo, un lauter hoi li win anell. Un i menshen ap late dell lo o ducho, un djipen kolende, kai ap late djiwenn. Job penell:

Jesaja 45:18

O baro Dewel hi o Dewel, kai o bolepen kras. Job hi o Dewel, kai i phub kras un soreles pre tchiwas. Job kras lat gar jaake, te nai djiwell tchi koi pre. Na-a, job kras lat jaake, te well djipen ap late. Job penell: Me hom o baro Dewel, un dell kek wawar Dewel har man!

Jesaja 66:1

O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

Jeremia 10:11

Pen lenge: Kol deblenge, kai kran gar o bolepen, witar gar i phub, hi kek platsa ap kai phub un tel o bolepen, un nai atchenn gar.

Jeremia 23:24

Kek nai khatrell pes jaake tchorchanes, te dikau les gar, penell o baro Dewel. Kek platsa hi an o bolepen un ap i phub, kai me gar hom. penell o baro Dewel.

Jeremia 32:17

Baro Dewel, miro rai, tu kral o bolepen un i phub dran tiri bari soor un tiro sorelo wasteha. Un tchi hi koi, hoi nai kreh gar.

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

Maleachi 2:10

Men halauteren hi jek dad! O emligo Dewel kras men halauter! Hoske phukrell ko jek ap o wawareste, un rikrell pes gar ap kowa, hoi o baro Dewel mare phurentsa win kras?

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

Mateo 5:34

Me penau tumenge: Ma denn tumen sowel! Ma denn gole ap o bolepen, te shunell lo tumari sowel! O Dewel hi kote o rai.

Louka 10:21

An ko tsiro das o Debleskro Ducho o Jesuses i bari bacht an o dji. Un job penas: “Tata, tu hal o rai pral o bolepen un i phub, un me sharau tut. Kowa, hoi tu kreh, sikral tu kolende, kai gar bud djinenna. Un kolla, kai gosewo hi un bud djinenna, kolla haiwenn kowa gar. Awa, jaake kamal tu kowa.

Johanni 1:1

Har o bolepen un i phub gar koi his, his o Lab koi. Kowa, kai hi o Lab, his pash o Debleste. Un job his o Dewel.

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.

Bičepangre 4:24

Har i patsle kowa shunan, mangan jon khetne o Debles an, un penan: “Rai, tu kral o bolepen un i phub, un o baro pani, un lauter, hoi djiwella.

Bičepangre 7:48

O baro Dewel djiwell gar an khera, kai i menshe kran pengre wastentsa. Kowa penas glan rah tsiro o Debleskro rakepaskro, o Jesaja:

Remarja 1:19

Kowa, hoi jon haiwans nai o Deblestar, kowa sikras len o Dewel.

5. Mose 10:14

O baro Debleske hi o bolepen, lauter hoi an o pralstunepen hi. Un ninna i phub un lauter hoi dren hi, hi leskro.

Hebrearja 1:2

Kanna, an kau tsiro, bitchras lo peskro tchawes pash mende, te rakras job ap mende. Koleste das o Dewel lauter an leskre wasta, te well job o rai pral lauter. Koleha kras lo o bolepen un i phub.

Hebrearja 3:4

Hako kheer well jekestar kerdo. Un kowa, kai lauter kras, hi o Dewel.

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.