Bičepangre 10:38 - O Debleskro Drom 2021 (Sinte)

³⁸ Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

O Debleskro Lab 2024 (Sinte-Manouche)

³⁸ T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 10:38 ပူးပေါင်းရင်းမြစ်များ

2. Familjakro liil 17:9

Un jon penan i menshenge an o tselo them Juda, har te djan le ap o Debleskro drom. Len his o baro Debleskro liil, kai dren tchinlo hi, har te djiwenn le, pash pende. Un djan trujel an i tsele forja an o them Juda, un sikran i menshende o Debleskro drom.

Debleskri gili 2:2

I bare raja ap kai phub stakrenna pre, un i pralstune beshenn khetne, un krenn win, har nai hadenn le pen pral o baro Debleste un pral koleste, kones job win rodas.

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

Debleskri gili 45:7

Miro Dewel, tiri rajeskri beshepaskri atchell hako tsireske. Tu hal i tchatcho un latcho rai pral tire menshende.

Jesaja 11:2

Un ap koleste well o ducho o baro Deblestar tchiddo, un dell les o goswepen, te haiwell lo bud koowa, un djinell, hoi te krell lo. Ko Debleskro ducho dell les ninna i soor koleske, un sikrell les, har o baro Dewel hi, un har te djiwell lo leha.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Mateo 12:15

Un o Jesus haiwas kowa, un djas peske. Un bud menshe djan leske palla. Un job kras hakenes lendar sasto.

Mateo 12:28

Na-a, gar o beng das man koi soor. O Debleskro Ducho das man koi soor, te nai tradap i bengen win. Koi pre dikenn tumer, kai ko tsiro was, kai o Dewel i menshen dran o tchilatchepen win lella, un leskri soor mank tumende hi.

Mateo 9:19

Un o Jesus stas pre un djas leha. Un leskre mala djan ninna leha.

Mateo 9:35

Un o Jesus djas an i forja un gaba trujel, un rakras an i biboldengre kangria, un penas i menshenge ko latcho lab, kai o Dewel kamell len dran o tchilatchepen te lell, un kamell lengro rai te well. Un job kras lauteren sasto, kai nasselo hi.

Markus 6:6

Un job nai haiwas gar, hoske i menshen kote kek patsepen his. Palle djas lo an kol gaba trujel, un sikras i menshende o Debleskro drom.

Louka 3:22

Un o Debleskro Ducho was har i parno tchirklo ap leste tele. Un i rakepen dran o bolepen penas: “Tu hal miro tchawo, koles me kamau. Pral tute hom bachtelo.”

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Louka 9:42

Har o tchawo was, witsras ko beng o tchawes ap i phub, un tserdas les jek rigjatar ap i wawar. Koi das o Jesus ko benges trad, un kras o tchawes sasto, un das les peskro dadeste pale.

Louka 9:56

Un jon djan an i wawar gab.

Johanni 10:32

O Jesus penas lenge: “Me krom bud latcho koowa. Miro dad penas mange, te krap kowa. Hoi hi ko latcho koowa, koleske kamenn man mulo te dell?”

Johanni 16:32

“Dikenn, ko tsiro wella un hi koi, kai nashenn tumer halauter mandar. Hakeno djal pale khere. Un man mukenn tumer kokres. Ninna te mukenn man, hom me gar kokres. O dad hi pash mande.

Johanni 3:2

Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Johanni 3:34

Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Bičepangre 10:37

Tumer djinenna, hoi djas an o them Galilea, un palle an o tselo them Judea pal ko tsiro, har kharas o Johanni i menshen, te mukenn le pen te taufrell.

Bičepangre 2:22

Murshale dran Israel, shunenn kal laba, hoi penau tumenge! O Dewel bitchras ko murshes, o Jesuses dran Nazaret, pash tumende. Kowa kras baro un sorelo koowa mank tumende, hoi kek wawar nai krella. Jaake sikras o Dewel, kai o Jesus lestar was. Tumer djinenn kowa, un dikan kowa lauter.

Hebrearja 1:9

O tchatchepen kamal tu, un o tchilatchepen dikeh glan i jaka nai gar. Doleske rodas tut tiro Dewel win, te wess tu bareder un bachtleder har kolla, kai pash tute hi.

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.

1. Johanni 2:20

Tumer lan o Debleskro Ducho, un lestar djinenn tumer kowa lauter.

1. Johanni 3:8

Kolla, kai djiwenn an o tchilatchepen, kolla hi o bengestar. O beng krella o tchilatchepen jaake rah, har job koi hi. Doleske was o Debleskro tchawo ap kai phub, te phagell lo o bengeskri soor.