Bičepangre 10:33 - O Debleskro Drom 2021 (Sinte)

³³ Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

O Debleskro Lab 2024 (Sinte-Manouche)

³³ Oun me bičrom morshen pash toute. Oun kova his mishto, kay tou val. Kanna ham mer lauter glan o Debleste khetne, te shounas lauter, hoy o Devel, maro ray, touke penas.”

Bičepangre 10:33 ပူးပေါင်းရင်းမြစ်များ

2. Familjakro liil 30:12

Un o Debleskro wast his pral o them Juda, te kran le jek djijeha, hoi o baro rai un i pralstune lenge penan, un hoi o baro Dewel lendar kamella.

Gosewe laba 1:5

Kolla, kai gosewo hi, shunenn, har te wenn le gomme gosweder. Kolla, kai siklo hi, hatsenn, har te djan le pengro drom.

Gosewe laba 18:15

I gosewo mensho kamell bud te djinell, un krell peskre kanda pre, te haiwell lo, hoi tchatcho hi.

Gosewe laba 25:12

I gosewo mensho, kai trad dell, un i kand, hoi ap leste shunell, kolla hi har i sonakaskri gustri un i sonakaskri werkli trul i meen.

Mateo 18:4

Koon krell pes gar bares un well har kau tchawo, kowa hi o bareder mank kolende, kai djan ap o Debleskro drom.

Mateo 19:30

Un bud, kai kanna glan tardo hi, kolla hi ap ko diwes palla tardo. Un bud, kai kanna palla tardo hi, kolla hi ap ko diwes glan tardo.”

Markus 10:15

Tchatchepah, me penau tumenge: Koon gar ap mande patsella har kal tchawe, kowa nai well gar ap o Debleskro drom.”

Bičepangre 10:32

Kanna bitche murshen an o foro Joppe, te anenn le o Petres pash tute. Kowa hi an o kheer, kai ko Simon djiwella, kai budrell i viechengri mortsi. Leskro kheer hi pash o baro pani tchiddo.

Bičepangre 10:34

Un o Petro penas: “Kanna haiwau me tchatchepah: O Dewel dikell gar koi pre, hawe menshendar jek wella: te well lo i biboldendar, – te well lo kolendar, kai kek bibolde hi. Job dikell latches ap hakeneste, kai mangell les an, un kai krell o tchatchepen.

Bičepangre 28:28

Un o Paulo penas: “Djinenn! Kanna well o Debleskro latcho lab o Jesus Kristestar pash kolende, kai kek bibolde hi, un jon shunenna.”

1. Korintarja 3:18

Ma chochenn tumen kokres! Koon patsella, te hi lo gosewo ap kai phub, kowa hunte dikell dren, te molella leskro goswepen tchi.

Galatarja 4:14

Ninna te his miro nasslepen tumenge gar shukar, dikan tumer gar tele ap mande, witar gar bitchran man tumendar krik. Na-a! Tumer lan man pre, har te woms o Debleskro bolepaskro, har te woms o Jesus Kristo kokres.

5. Mose 30:13

Kau lab hi gar ap i wawar rig o baro panjestar, jaake te nai penans tumer: “Koon djal menge ap i wawar rig o baro panjestar un anell les menge, jaake te nai shunas mer les un djiwas koi pal?”

1. Tessalonikarja 2:13

Doleske mukah gar tele, te parkras men pash o Debleste, te patsan tumer o Debleskro lab, hoi tumenge penam. Un tumer haiwan, ko lab well tchatchepah o Deblestar un gar i menshendar. Un tumaro djipen sikrella, te patsenn tumer ap ko lab.

Jakobo 1:19

Mire kamle phrala, djinenn: Hako mensho hunte lell peske tsiro, te shunell lo. Job te kamell te rakrell, palle hunte putchell lo pestar, te hi kowa mishto, hoi job kamell te penell. Un job hunte well witar gar sik chojedo.

Jakobo 1:21

Doleske mukenn hako djunglepen un tchilatchepen! Un patsenn ko lab, hoi o Dewel an tumende tchiwas! Krenn kowa i latcho djijeha! An o Debleskro lab hi koi soor, te lell lo tumen dran o tchilatchepen un o merepen win.