Bičepangre 1:18 - O Debleskro Drom 2021 (Sinte)

¹⁸ O Judas ginas peske i kotar phub kol lowentsa, hoi job las, har job ap o Jesuseste phukras. Job peras o shereha glan tele ap koi phub, hoi job peske ginas, un leskre tsele buke wan dran leskro per win. Un job meras.

O Debleskro Lab 2024 (Sinte-Manouche)

¹⁸ O Youdas ginas peske i kotar phoub kol loventsa, hoy yob las, har yob ap o Yezouseste phoukras. Yob peras o shereha glan tele ap koy phoub, hoy yob peske ginas, oun leskre tsele bouke van dran leskro per vin. Oun yob meras.

Bičepangre 1:18 ပူးပေါင်းရင်းမြစ်များ

Debleskri gili 55:15

Mer haiwam men jaake mishto, un djam khetne an o Debleskro kheer.

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Zakarie 11:13

Un o baro Dewel penas mange: “Hawo shukar plaissepen! Lenge hom gar budeder moldo har kawa! Tchip ko rup an o kheer, kai o brawlepen garedo well.” Un me lom kol trijanda rupene beme, un hidjrom len an o baro Debleskro kheer, un tchiwom len kote an o kheer, kai o brawlepen garedo well.

4. Mose 22:17

Me kamau tuke brawlepen te dell. Un hoi tu mange peneh, kamau me te krell. Am ap miri rig un rake i bibacht win pral kal menshende!”

4. Mose 22:7

Un i phureder kol menshendar Moab un Midian djan khetne pash o Bileam. Un lowe his an lengre wasta o durkepaske. Un jon wan pash leste, un penan leske kol laba, hoi o Balak penas.

Mateo 25:15

Hakeneste das lo jaake bud lowe, har kowa haiwas, te ginell un te bikrell kolla lowentsa. Ko jekeste das lo pantch gone pherdo rup, un ko wawareste das lo dui gone, un pale i wawareste jek gono. Un palle djas lo an o wawar them.