Amos 9:9 - O Debleskro Drom 2021 (Sinte)

⁹ Me rakrau un kowa djal jaake: Jaake har djob an i sieba pal hake rigja witsedo well, un i djoba win perenn, un i barra dren atchenn, jaake krau, te well o kheer Israel pal hake rigja witsedo an kol themma, kai le tradedo wan.

O Debleskro Lab 2024 (Sinte-Manouche)

⁹ Me rakrau oun kova djal yaake: Yaake har djob an i ziba pal hake rigya vitsedo vell, oun i djoba vin perenn, oun i barra dren ačenn, yaake krau, te vell o kheer Israel pal hake rigya vitsedo an kol themma, kay le tradedo van.

Amos 9:9 ပူးပေါင်းရင်းမြစ်များ

Jesaja 27:12

I tsiro wella, kai lell o baro Dewel peskre menshen khetne dran o tselo them mank o pani Eufrat un o them Egiptia. Job rodell len win har jek o tikno djob win rodell dran o phuss, jek pal o wawar.

Jesaja 28:28

Well o djob jaake win dino, te djal lo paash? Na-a, kowa well i tikno tsiro dino. Un te ulerell o hacho peskre grajentsa koi pral, krell lo kowa gar jaake rah, te atchell tchi pral.

Jesaja 30:28

Un leskro ducho hi jaake sorelo har i pani, hoi sorjah nashell, un hoi i mensheske bis pash i meen djala. Job lell i natsjone un witsrell len trujel, un trissell len, bis te gar bud lendar pral atchenn. Un job tchiwell saster an lengre muja, har te wans le graja, un tradell len koleha kate te kote.

Jeremia 31:36

Job, o baro Dewel, penell: Jaake har tchatcho hi, kai nashrau gar miri soor an o bolepen un ap i phub, jaake hi tchatcho, kai atchenn i Israelitarja i natsjona glan mande hako tsiro.

Jeremia 46:28

Doleske, ma traash, Jakob, miro budepaskro, penell o baro Dewel. Me hom pash tute. Kol tsele natsjone, kai me tut tradom, mukau gar te djiwell. Tut mukau te djiwell. Dawa hunte dap tut, har tuke mishto hi. Kek dawentsa nai mukau tut gar.

Jeremia 49:36

Hake star rigjendar mukau i phurdepen te well, hoi well pral lende, un tradell len ap hake rigja, jaake te hi kek them ap kai phub, kai hi kek menshe dran o them Elam tradedo.

Ezekiel 20:38

Kolen, kai mantsa phagan un mandar tele peran, tchiwau ap i rig. Ninna te lau len win dran kol themma, kai le wi-themarja his, well kek lendar an o them Israel. Palle dikenn un haiwenn tumer, te hom me o baro Dewel.

Ezekiel 36:19

Un me tradom len an wawar themma mank wawar menshende, un dom len pengri phagi koleske, hoi le kran un har le djiwan.

Ezekiel 39:28

Palle dikenn un haiwenn i Israelitarja, te hom me, o baro Dewel, lengro Dewel, kowa kai anas len an o pandepen an wawar themma, un mukell len palpale te well an lengro them. Kek lendar atchell kote pale.

Ezekiel 5:10

I tsiro well, kai chan dada pengre tchawen mashkral an Jerusalem, un tchawe chan pengre daden. Jaake pharo well miri phagi, hoi dau tumende. Un halauter, kai tumendar pral atchenn, wenn win tradedo ap hake rigja.

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

Louka 22:31

“Simon, Simon, shun, hoi me tuke penau: O beng las tumen an o jak un kamas te dikell, har sorelo tumaro patsepen hi.

5. Mose 28:64

Un job tradell tumen mank i menshende an i tsele themma ap kai phub, kolen kate, un kol wawaren kote. Lengre deblen dran kasht un bar mangenn tumer kote an. Kol deblen prindjrenn tumer gar un prindjran witar gar tumare phure.