Amos 9:7 - O Debleskro Drom 2021 (Sinte)

⁷ O baro Dewel penell: Tumer Israelitarja han mange jaake har i menshe an o them Etiopia. Tumen lom dran o them Egiptia win, i Filistarjen lom dran o them Kreta win, un i Syrarja dran o them Kir. Hoi hi wawartchandes tumentsa?

O Debleskro Lab 2024 (Sinte-Manouche)

⁷ O baro Devel penell: T'mer Israelitarya han mange yaake har i menshe an o them Etiopia. T'men lom dran o them Egiptia vin, i Filistaryen lom dran o them Kreta vin, oun i Syrarya dran o them Kir. Hoy hi vavarčandes t'mentsa?

Amos 9:7 ပူးပေါင်းရင်းမြစ်များ

2. Rajengro liil 16:9

Un o baro rai pral o them Assur shunas ap leste un djas pral pash o foro Damaskus un las les dren. Un mukas kol menshen, kai kote djiwan, pandles krik te anell an o foro Kir, un maras o baro rajes Rezin.

2. Familjakro liil 14:12

Un o Asa un i tsele lurde, kai pash leste his, lan len palla bis pash o foro Gerar. Un i Kusharja wan jaake dino, te nai kurenn le pen buder gar. O baro Dewel kras, te wan le khetne dino leskre lurdendar dran Juda. Un kalla lan lendar bud kutch koowa pentsa.

2. Familjakro liil 14:9

Un o Asa peskre lurdentsa was win glan leste, un jon lan i kurepangro tardepen dren an o telstuno them Zefata pash o foro Maresha.

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

Jesaja 20:4

jaake lell o baro rai pral Assur i menshen an Egiptia un an Etiopia pandles, un tradell len krik, i ternen un i phuren. Un jon hunte djan nanges un pirkenes. Un len hi kek cholopja ap pende. Hawi ladj hi kowa lenge!

Jesaja 22:6

I lurde dran o them Elam hidjrenn pengre gone i failentsa, un wenn ap wurdja i grajentsa. Lurde dran o them Kir rikrenn pengre shilte an i wasta.

Jesaja 43:3

Me, o baro Dewel, hom tiro Dewel. Me, o Israeleskro Dewel lau tut win dran o merepen. Me dau lenge o them Egiptia, te ginap tut win. I themma Etiopia un Seba dau koi pashel.

Jeremia 13:23

Nai krell i kalo mensho peskri kali hauta wawartchandes? Na-a! Nai krell i diwji margodja peskre balla wawartchandes? Na-a! Jaake nai krenn tumer kek latchepen, ko tchilatchepen djas tumenge an o mass un o rat.

Jeremia 47:4

Ko diwes was, kai nashrenn i tsele Filistarja pengro djipen. Kek atchell djido, kai nai wals kol forjenge Tirus un Sidon ap i rig. O baro Dewel marell kol Filistarjen, kolla kai atchan kolendar pral, kai wan dran ko panjeskro them Kreta.

Hosea 12:13

O Jakob hunte nashas peske an o them Aram, un o Israel hunte budras i wawareske, te lell lo i romjat, un hunte das jak ap i bakre, te nai romedinerell lo lat.

Amos 1:5

Me phagau i bare wudja o forestar Damaskus paash, un mukau i rajen dran Bikat-Awen un Bet-Eden mulo te dell. Un i menshe dran o them Syria wenn pandles krik anlo an o them Kir. Ko penell o baro Dewel.

Amos 2:10

Me anom tumen win dran o them Egiptia, djom glan tumende star-deesh bersha an o mulo tato them, un dom tumen o them, kai i Amorarja khere his, te well lo tumenge.

5. Mose 2:23

Un an i gaba pash o Mashkralstuno Baro Pani djiwan menshe, kai his kharedo Awarja. Pral lende wan Filistarja dran Kreta, un dan len mulo, un lan lengro them bis pash o foro Gaza. Un djiwan palle kote.