Amos 9:13 - O Debleskro Drom 2021 (Sinte)

¹³ Shunenn, penell o baro Dewel, o tsiro wella, kai well o djob jaake sik bares, te wenn i tchinepangre khetne kolentsa, kai i phub trujel witsrenn. Un jaake bud drake hi koi, te hi gomme gar i mool kerdo i tsele drakendar, har ko tsiro well, kai newo djob win witsedo well. Dell jaake bud drake, te nashell o mool i bare un tikne berge tele.

O Debleskro Lab 2024 (Sinte-Manouche)

¹³ Shounenn, penell o baro Devel, o tsiro vella, kay vell o djob yaake sik bares, te venn i činepangre khetne kolentsa, kay i phoub trouyel vitsrenn. Oun yaake boud drake hi koy, te hi gomme gar i mool kerdo i tsele drakendar, har ko tsiro vell, kay nevo djob vin vitsedo vell. Dell yaake boud drake, te nashell o mool i bare oun tikne berge tele.

Amos 9:13 ပူးပေါင်းရင်းမြစ်များ

1. Mose 49:11

Job pandell peskri burika ap i drakengro ruk. Un lakro ternepen pandell lo ap o latcho drakengro ruk. Peskro ripen thowell lo an mool, peskri baja an loli mool.

Debleskri gili 97:5

Jaake har i momeli tele chatchrell, wenna bare berge tikno glan o baro Debleste. Job hi o baro rai pral i tseli phub.

Jesaja 16:10

O gipen un o sapen well buder gar shunlo tel i ruka an i baar. An o drakengro them dell buder kek gole i bachtjatar. Kek mool well kerdo. Kek gipen well shunlo.

Jesaja 55:13

Kote, kai subjengre burra un subjengro senlepen bares wan, djan kanna bare senele ruka pre. Doleske well o baro Debleskro lab sharedo. Un kowa hi ninna i sikepen, te bistrell kek, te his o baro Dewel kowa, kai sau koowa kras.

Ezekiel 28:26

Un jon djiwenn an ko them, un len hunte well kek daar i wawar themendar. Jon krenn penge khera un tchiwenn drakengre ruka an i phub. Un kek nai krell lenge tchilatchepen. An ko tsiro kai dau kol themma trul lende pengri phagi, kai tele dikan ap i Israelitarja, dikenn un haiwenn i Israelitarja, te hom me o baro Dewel lengro Dewel.

Ezekiel 36:35

Palle penenn le: Kau them his muklo un diwjo. Kanna hi lo har i baar Eden. Un kal forja his paash-dino, tele-phagedo un wi-meredo. Kanna hi le soreles koi tardo, un menshe djiwenn pale dren.

Joel 2:24

te wenn i djobengre khera pherdo djob, un budeder har doha mool un djet koi hi.

3. Mose 26:5

Ko tsiro kai tumer o djob win denn, djal bis te well ko tsiro, kai tchinenn i drake tele. Un ko tsiro, kai tchinenn i drake tele, djal bis te well ko tsiro, kai witsrenn o djob pale win an i phub. Un tumen well budeder har doha chapen. Kek krell tumenge tchilatchepen.

Amos 9:5

O baro Dewel, ko rai pral o bolepen un i phub hi kowa, kai taprell i phub, te trissell li, un hadell pes un djal pale tele har o lengsto pani Nil an Egiptia. Un i menshe rowenn pral kolende, kai meran.

Johanni 4:35

Tumer penenna: An star tchon anenn le o djob dren. Krenn tumare jaka pre, un dikenn tumen trujel: O tsiro hi kanna kai. Kanna well o djob dren anlo.

Čačepangre 5:5

I berge trissan glan o baro Debleste, kai sikras pes ap i berga Sinai glan peskre menshende Israel. Lengro Dewel hi lo, – job, o baro Dewel.